[آلاء النايلية]

المشاركة الأصلية كتبت بواسطة soso sirin

شوفي يا الاء يا ختي انا درت وحد الموضوع اسكتي برك حسيت روحي كفرت و لا وليت ملحدة ووصل النقاش لوحد النقطة حتا غاضتني عمري و ليت نقول واش داني نكتبو مي لما تكالمينا كي انا كلي ردو لقيت روحي انا الي ماعرفتش نوصل الفكرة و هوما مافهموهاش نيشان هذا مكان على هكا كانت ردودهم قاسية بزاف مي والله لما وليت نقرى في الردود حتى الي عطاوني شي كلايم قسمولي بيها قلبي مي والله هدرو من الغيرة تاعهم على بنات المسلمين عامة و الجزاير خاصة و هنا نهدر على واحد يعجبني كلامو صح هو شوية متشدد مي والله كلامو فيه الصح اسمو الواثق مي كاين ناس بزاف بزاف مي كون نكتبهم راح نخرج على الموضوع و انا نطول في الكلام و ارواحي تشوفي .على هكا مرات لازم تكون القسوة باه الانسان يفطن لانو الكلام الحنين ماشي دايمن ينفع مي المهم الواحد مايفوتش الحد و مايوليش قليل الادب في الرد و مرات كي تلقاي شي ناس قاسيين نوغمالمو نقولولهم صح تعرفي علاه لانو ممكن صح مرو بتجربة قاسية و لانهم فيهم الخير ماهمش باغيين الناس وخدخرين يتعذبو كيما هوما هذا مكان .الي يبغي ماشي راه كفر ولا دار حاجة عيب بالعكس هذا قلب مي العيب لما نخلوه يتحكم فينا و نديرو حوايج الي عيب و الدنيا هاذي ماشي غير حب و الحب تاع الصح الي يكمل بالزواج مي اذا انا بغيت واحد و مت عليه و مكانش الامل باه نديه وينراهي الفايدة راح نعذب روحي في باطل

ياااا حبيبتي الجملة لي بالحمر مهمة ياسر العيب كي نخللو القلب يتحكم و الراس ميخدمش صحيتي
ولله يا اختي انا مريت بتاع الاعجاب .. بالصح كنت نخاف ياسر و نضل ندعي باش متكبرش في راسي الفكرة ... صدقيني كنت نخمم في راجلي اللي منعرفوش و لا شفتو ولا سمعت بيه انها تعتبر خيانة ليه
والحمدلله ربي مخيبنيش و الحب الأول في حياتي لراجلي و هاذي لي كنت متمنيتها و نجاهد في نفسي عليها
حبيت نوصل هاذ الكلام للبنات كامل و معرفتش كيفاه
نقولهم اصبرو برك ولله ربي يمدلك قد قلبك و قد نيتك و بالزيادة
... راني خرجت على الموضوع بالصح انت فتحتيلي باب مهم ضللي مرة حابة نقول هاذ الكلمات
+++
فعلا أخي الواثق على رأس القايمة و كاين اخرين ثاني ربي يفتح عليهم