[آلاء النايلية]

السلام عليكم
واش راكم يا ناس الخير صحا رمضانكم
اسمحولي في هاذ الكلام و ماذا بيا تدخلو بعد الفطور مش وانتم صايمين ... راكم عارفين علاه ... واحد يعود منارفي منعرف كيفاه يفهم الموضوع يخرجلي من الميكرو يعطيني كفلاخرة يعود فاطر يفطن شوي راني موالفة بهاذ المواضيع و خاصة في رمضان لي نديها تبهديل اكثر من حاجة اخرى

*****************************************
عندي سؤال صغير لبعض الأعضاء علاه كي واحد وللا وحدة بالأخص يجبد كلمة حب تنوضو تاكلوه وكل واحد يلعبها راه من أهل الجنة و يحسس صاحب الموضوع انو كافر و داخل للنار ...
و لاحظتها خااااصة كي تعود طفلة كاتبة الموضوع .... ياسيدي معليش شايفينها غالطة ... بالاك هاذ المخلوقة معندهاش لي يوريلها الصح من الغلط جاتكم انتم ديرولها هاك؟ دير روحك في بلاصتها وواحد يرد عليك بذيك الطريقة ولله تكره

و زيد نقطع ذراعي هاذو لي يردو بطريقة تهجمية و مستفزة اما مرو بتجربة فاشلة أو مفاتش عليهم هاذ الشعور لو فات عليهم ميحكو هاك..
ولله هذا شعور مش ممكن الواحد/ اوالوحدة / تتحكم في قلبها و منلومهاش لأنو مش بيدها لكن نلومها على كيفاه تصرفت و كيفاه حاولت تعالج الموضوع
و نفس الشي بالنسبة للرجل
و متقولوليش وش وصلها/ وللا وصلو لهاذ الشعور وقتنا يوصل الخرجات للدراسة أو العمل أو...أو... و الاختلاط لي مجبرين عليه كل هاذا يوصل... ساعات مجرد سماع حكايات على شخص متعرفوش يوصلك...
المهم ... حسيت بعض الناس كي يلقى موضوع هاك يلقاها فرصة للتجريح في الهدرة ... نقولو مكلاه .. ** الدين المعاملة**
الدين ميقولش تشنف و تزير و تلعبها قافز ... بالصح تعرف كيفاه تحسس الآخر بالخطأ تاعو بطريقة لطيفة و توصلو للطريق الصواب
***
أه... قبل لا ننسى في نفس الوقت حبيت نشكر بعض الأعضاء على كلامهم الطيب و المريح ربي يفتح عليكم

....
اسمحولي مكنتش حابة نحكي هاك في هاذ الموضوع و خاصة بيناتنا رجال كبار و نضن في سن أبي /// متخافوش أبي صغير مش كبير// .... بالصح ولله كاين ردود على بعض المواضيع لي قريتها انا حسيت في بلاصت اصحاب المواضيع و قنطوني
ان شالله منكونش ثقلت عليكم
وان شالله يوصلكم قصدي لأني متأكدة كاين ناس راح يفهموني بالنقص كالعادة كي نحط موضوع مشابه يطيحو عليا عباد و منعرفش كيفاه فهمو الموضوع حتى يشككوني في واش كتبت...