[سامية بالولي]

[center]الطريقة بالتفصيل تجدونها على قناتي وصفات ناجحة مع أم تسنيم
نخلي الوصفة مكتوبة بالتفصيل مع المقادير

ماحبوش الصور يتحملوا ماعرفتش السبب

المكونات:

[right
🌱🌱🌱🌱
-المكونات:
-يباض 06حبات بيض متوسط الحجم (وزنهم بالميزان 223غ ).
-وزن السكر يكون ضعف وزن بياض البيض (يعني في هاذ الوصفة استخدمت 448غ).
-قرصة ملح.
-ملون أزرق جال وملون وردي


-في هاذ الوصفة لازم الميزان : 6 حبات بيض بدرجة حرارة الغرفة نزنهم في الميزان والوزن نتاع بياض البيض اللي نتحصل عليه ندير ضعفوا سكر عادي هاذي هيا القاعدة لنجاح الميرانغ
-قرصة ملح ضرورية
-عطر الفاني
ملون جال أل لون [/right]

طريقة التحضير

-نضع البياض اللي وزناه ونزيدولو اسكر اللي كيما ذكرت الفوق يكون ضعف وزن البياض ونزيدلهم قرصة ملح
نحطهم على حمام مائي ونخلط بالفوي حتى يذوب السكر تماما ونتحصلوا على خليط أبيض متجانس

كل مرة نتحسسوا السكر بيدنا حتى نشوفو بلي ذاب تماما

كي يذوب السكر تماما نحي الاناء من حمام مائي ونبدى نطلع بالباتور على أقصى سرعة مدة ربع ساعة حتى يتشكل عندي المنقار ويولي الميرانغ حاكم في روحو مليح
الميرانغ الناجح السر نتاعو في الطياب
قبل ما تشكليه لابوش شعلي الفرن نتاعك على 120 درجة وشكلي الميرانغ الأشكال اللي تحبيه طبعا لازم ورق الزبدة باه ما يلصقش في البلاطو كي يطيب

كي تجي دخليه للفرن طلعي البلاطو لأعلى رف في ونقصي لدرجة الحرارة لأصغر درجة لازم تكون 90 درجة ولا 100 درجة ما تفوتش

مدة الطهي من ساعة وربع إلى ساعة ونصف

ملاحظات مهمة:


🍁🍁-بالنسبة للحمام المائي مايكونش ساخن بزاف والماء مالازمش يلامس قاعدة الصحن اللي تخلطوا فيه باه ما يطيبش البياض...
🍁🍁-لازم التحريك المستمر للسكر والبياض حتى يذوب السكر تماما (تحسسوا بالاصابع كل مرة وراح تأخذ العملية حوالي 10دقائق).
🍁🍁-لازم يكون الاناء اللي طلعوا فيه الميرانغ نضيف تماما مافيهاش ولا قطرة ماء او دهون هكا باه تكون نتيجة افضل والميرانغ نتاعكم تطلع مليح.
🍁🍁-تقدروا طلعوا الميرانغ بالباتور مش شرط يكون البيترا طلعوه مباشرة على أقصى سرعة حتى يتماسك(حوالي 15د).
🍁🍁-بالنسبة للملونات يستحب في مشروعك تستخدمي ملون جال باه ما يهبطش الميرانغ في الفرن (السعر نتاع. قرعة ب45الف ويديرلك مدة طويلة تصل الى عام).
🍁🍁-كيفية الطهي:
- كي تبداو تشكلوا الميرانغ في ليبوش نتاعكم شعلوا الفرن على 100درجة نصف ساعة قبل مادخلوه يطيب وكي نحطوا صينية الفرن نطلعوها لأعلى درج في الفرنونقصوا للفرن لأقل درجة واذا الفرن نتاعك مافيهش أقل من 100 درجة خلي باب الفرن مفتوح بملعقة
-مدة الطهي من ساعة وربع إلى ساعة ونصف على أقل درجة حرارة
- بالنسبة للأخوات اللي يحبوا يديروه مشروع.
-فكرة الساشيات : ديري ساشيات فيها ميني ميرانغ كل ساشي فيها50 حبة ب 25 ألف للساشي.
-اذا كان البيع مباشرة مع الزبونات فهذا أمر سهل والحساب اذا كانت الحبة صغيرة ذاو متوسطة تحسبيها ب20 للحبة واذا كانت الحبة كبيرة ومزينة تحسبيها حتى ب3لاف للحبة.
-

-راح تحتاجو في مشروع الميرانغ إلى باتور والميزان باه تكون الوصفة ناجحة (لازم التقيد بالمقادير المضبوطة).
-ليدوي كل وحدة تخير الشكل اللي يعجيها ولا حسب طلب الزبونة.