شيئ من المزاح فقط : لوكان يصرالك كيما صرا لهذا الطبيب ؟
يحكي واحد الطبيب ( كي كان طبيب جديد يخدم في السبيطار) :
كنت خدام لا غارد Garde médicale وحدي في الليل
جابولي واحد مريض أصيب بفشل قلبي ( قلبه يخبط ببطئ )
حاولت إسعافة بكل الطرق لكن مع الأسف توقف قلبه ومات
طاحلي المورال .. خرجت عند الباب درت قارو وقعدت نخمم
حتى لقيت واحد جاي لجيهتي من بعيد في الظلمة حتى وصل لعندي كي قرب ليا مليح ..
شفت فيه لقيته الميت اللي خليته فوق الطابلة في الغرفة
من الخلعة نضت نجري حفيان .. وهو بقى يجري ورايا
حتى نسمع فيه يعيط :
يا الطبيب يا الطبيب يا الطبيب:
أنا خو الميت .. التوءم نتاعه .. أرجع سنييلي ( أمضيلي ) برك التصريح بالدفن ..
راك قطعت فيا النفس من الجري