السلام عليكم و رحمة الله و بركاته
فى هذا الفيديو أعرض عليكم درس جديد و اشرح فيه ما هو
الدومين أهم و أفضل 10 نصائح لحجز اسم دومين مميز ، فى الدرس السابق شرحت ما هو الدومين و كيفية
حجز دومين ب 1 دولار.
أما فى درس اليوم أستمع لأهم 10 قواعد ينصح بها الخبراء لحجز دومين سهل التسويق و متوافق مع سيو
رابط الفيديو:
اهم 10 نصائح اعرفهم قبل شراء دومين جديد
و رقة و قلم و كباية شاي و تعالى نعرف مع بعض اهم النصائح.
بص الدومين بيتكون من حروف أو ارقام – أو ارقام و حروف مع بعض – او ممكن تضيفلها علامة (-)
فبالتى أنت تقدر تشتري
ارخص دومين من خلال الكلام اللى قولتلك عليه و تختار اي اسم او تضيفله رقم او علامة – و تبقي اخترت اسم و خلاص. و ده فى ناس كتير بتعمله و هتلاقي منه كتير.
وده بيكون سبب كبير فى فشل بعض المواقع
و الجزء ده بيتحدد قد الأخطاء اللى أنت ارتكبتها فخلى بالك متحكمش على موقع بالفشل من أولها.
لأن
دومين الموقع هو اهم خطوة أو اكشن انت هتختاره فى تاريخ مشروعك ولو محجزتهوش صح يبقي انت حكمت ع مشروع بجزء من الفشل
حجز اسم الدومين له معايير معظم الخبراء فى مجال السيو بيعتمدوا عليها فى أختيار الاسم و ده بيضمنلهم نجاح تسويق الموقع سواء التسويق المباشر او التسويق الرقمي.
قبل م نبداء هنضرب مثال لصاحب شركة سياحة اسمها "زين" و عاوز احجز اسم الدومين على الإنترنت و محتاج اختار اسم مناسب و يساعد فى تسويق الشركة. تعالوا نشوف ازاى ممكن نطبق النصائح دي بشكل عملى.
1. اصنع علامة تجارية مميزة تعبر عن موقعك
جوجل بيحب العلامة التجارية خصوصاً و إن كانت فريدة. يعنى لو اسم زين متاح و مفيش حد حاجز الاسم احجزه فوراً
و بكدة بقي عندنا أول أختيار. طب لو الأسم غير متاح؟ شوف معاي القاعدة رقم 2 و هتعرف الحل.
2. أضف كلمة بحثية فى اسم الدومين
دي قاعدة مهمة جدا و فيها حلول للقاعدة رقم 1 مش بس كدة هتساعدك كتير فى تسويق موقعك داخل محركات البحث.
لو دورت على اسم زين و مش لاقيه او الاسم موجود مع منافس ليك، تقدر تضيف كلمة بحثية للدومين زي مثلا ً Travel – tour – trip.
بالشكل ده انت قدمت اوراق اعتمادك فى جوجل بشكل رسمي و انك اخترت اسم دومين براند و كمان صنفت البيزنس بتاعك قدام جوجل بشكل واضح.
3. ممنوع شراء نفس اسم المنافس.
يعنى لو فى منافس فى نفس المجال حاجز الاسم قبلك، مثلاُ زين دوت كوم بلاش تحجز انت زين دوت نت. لأن الموضع سيف ذو حدين لو حصل ان شركة المنافس طلعلها حملة تشويه لسبب ما فأنت أخدت م الحملة نصيب.
4. استخدم الأرقام و علامة – بحرص
الارقام و علامة - غير مرغوب فيها لأسباب كتيرة و لكنه مش غلط عارفين قاعدة "ابغض الحلال" هى حاجة كدة شبهه فبلاش نستخدمها إلا فى حالة الضرورة. زي ايه مثلاً؟
دلوقتى Zaintravel.com غير متاحة و انا مش عاوز اغير الأسم لأى سبب وممكن اللى حاجز الاسم ده مش شغال فى نفس مجالى فبالتالى مش محتاج اغير اسم الدومين هنا بقي نطبق القاعدة رقم 4 و اللى فيها ممكن نضيف علامة - أو ارقام على حسب فكرة الموقع.
لو انت شركة بلاش تستخدم ارقام لأنها مش بروفشنال.
اسهل حل انك تحط علامة – بين الكلمتين أو أنك تضيف كلمة حروف البلد eg
5. سهل القراءة سهل الكتابة سهل النطق
لو عاوز دومين الموقع يبقي علامة تجارية مشهورة خليه سهل القراءة من اول نظرة بالتالى هيكون سهل فى الكتابة و سهل فى النطق.
6. أختار حروف أقل
القاعدة دي لو التزمت بيها هتخليك تطبق القاعدة رقم 4 كويس جداً، حافظ على ان حروف الدومين لا تتعدي الـ 11 حرف ولو اسم شركتك كبير فكر فى الإختصارات على قد م تقدر.
Zaintravel.com
7. فكر كثيراً و بعمق
الموضوع مش محتاج استعجال فكر كتير و أستشير اصدقائك اللى شايف فيهم دراية بالإنترنت و كاتب كل نتيجة وصلتلها و شوف مواقع الشركات اللى فى نفس مجالك مستخدمين ايه فى اسماء مواقعهم يمكن تطلع بمعلومة تفيدك.
8. اختار .com
ليكن أهم اختيارتك هو اختيار دومين .com لانه اشهر انواع الدومين على الإطلاق. ولو أنت شركة تجنب اختيار اى اكستنشن جديد و مش معروف. زي
9. تجنب الأخطاء الاملائية
النقطة دي بصراحة بشوف ناس قصداها على انها تبقي حاجة Uniqu لكن فى الواقع بتبقي حاجة منيلة بستين نيلة و بتدي انطباع لزوار موقعك انك روش زيادة عن اللزوم أو مش فاهم.
10- ابحث عن الأسم فى الصفحات الإجتماعية
ابحث عن اسم الموقع فى الصفحات الإجتماعية علشان تعرف موقفه فى صفحات السوشيال هل متاح أو لعل يكون فى حد مستخدم نفس الاسم و شغال بيه. المهم تبقي عارف مستقبل الأسم هيكون عامل ازاى قبل م تدفع فلوس و تحجزه.
هسيبلك موقع ىف الوصف تقدر تشوف من خلاله اسم الموقع فى صفحات السوشيال.
دول كانوا أهم 10 نصائح بيستخدمها معظم المحترفين قبل شراء اى دومين علشان يضمنوا انهم اختاروا الاسم المناسب للبيزنس بتاعهم.
حاول تطبق منهم على الأقل 40% علشان تضمن اختيار اسم مناسب لموقعك.
و انتظرونى الحلقة اللى جاية هنتعلم مع بعض خطوات حجز دومين و الشراء بوسائل الدفع المتاحة.
استضافة و دومين