السلام عليكم أختي أم سبرين و أختي حبيبة حبيت نشكركم على الدورة هذي الله يجازيكم خير وجعلها في ميزان حسناتكم أنا طبقت الدورة في داري بديت يوم 7جويلة في الأول بديت بالكوزينة درتلها نفيض عميق و شريتلها قماش خيطتلها طقم بيدي معنديش مشينة بصح درتولي الإرادة ومن بعدعا في الأسبوع الثاني دخلت لغرفة النوم كانت عندي خزانة صغيرة مترفدليش القش شريت وحد كبيرة من تحت قارد روب و من فوق بلاكارات رفدتلي كامل قشي لي كان في ليفاليز عندو 7 أشهر ومنسيتش كل يوم نطل على الوزينة خفيف خفيف باش ميتراكمش علي الشغل وفي الأسبوع الثالت خرجت للصالون غسلت واش نقدر نغسل فالدار و الباقي تع الفراش بعثتو للدغريساج و اليوم راني فالأسبوع الرابع ةالله نحس روحي خفيفة داري نقية و مرتب الله يعطيكم واش تتمناو