ناس بكري قالو...
كي تبدا قول بسم الله .
وكي تكمل قول الحمد لله
ما تتعراش و أنت عرقان ,
وما تشربش الماء وأنت عرقان
وما تكسلش رجليك وسط جماعة ,
و ما توكلش أولادك وسط جماعة
وما تشربش بالواقفة,
وجهك نقيه ما تدري وش تلاقي بيه
و لي فاتك بالزين فوتو بالتبسيمة ,
و لي فاتك باللبسة فوتو بالنظافة
ولي فاتك بالعلم فوتو بالخُلق ,
ولي فاتك بالصنعة فوتو بالحكمة
ولي فاتك بالمال فوتو بالقناعة
ولد السبع ما يجي مشحاح ,
والدفلة ما تجيب تفاح ,
دقيق البشنة ما يجي منها الطعام ,
وصوف الكلاب ما يجي منها البرنوس
كبير العرش طيعو ,
وكبير الراس والكرش بالرخس بيعو ,
زينة السوق قعادو ,
زينة الفراش أولادو
و زينة الحديث كي يعود موش في الصواب سكاتو.
عرة الفاكية البرقوق ,
وعرة النسا لي طيب وتذوق
وعرة الرجال التالي فالسوق
إذا كنت شين أستر روحك من لفضايح
وإذا كنت زين أستر روحك من العين
اذا طاحوا السنين تروح البنة...
و اذا راحوا العينين تروح الدنيا....
و اذا راح النيف تروح الهمة...
.و اذا راحو الرجال تروح الحرمة
و اذا راحوا الوالدين تروح اللمة.