وعليكم السلام
اهلا بعودتك مجددا ربي يشفيك اخي ^^
ولله صح هلكونا غاضتني مواد علمية
علوم انزيمات
رياصيات تع احتمالات هفتني خليت نص حلي مكملتوا وهو راه صحيح ونا حسابلي غالطة
فيزياء كان عندي تع زيتون ومشفتوش
اجتماعيات هربت من شخصيات لاني خلطت فيهم طحت في تعليق اتحاد اوروبي نسيتوا
شريعة غاضتني غلطة في عنصر كون ندي 20 مقفولة
فلسفة مبكيت مضحكت خيرت استقصاء كنت حافظتها من سمانة لي قبل باك وليت نكمش في مخي تكماش باه نتفكر
هردونا تع صح مي لمهم منبكيوش والدينا خاصة والدة ولله تتمنى تفتح ارض وتبعلك ولا تقولك تعبتي عام كامل ولي
مقراش دا خير منك
وتبقى
اذا رضيت باأمر صعب جبر الله خاطرك وعوضك
وما تدري لعل الله بعده يحدث أمرا لسنا وحيدين
اننا محيطين بلطف الله ومن أراد قطف الورود لا
يألمنه وخز أشواااكها