السلام عليكم و رحمة الله و بركاته
انا فتاة تعرفت على شاب خطبني كانت بيننا علاقة حب كنا صغار فالعمر و بعد الخطبة للاسف دخل الشيطان بيننا غلطت معاه و ارتكبت فاحشة الزنا ومن هذاك الوقت و حياتنا تقلبت انا ماش تاع هذاك الشيئ ربي شاهد عليا مدخلت في حتى علاقة قبله كان الاول و الاخير و هو نفس الشيئ كان وليد فاميليا و مكاش لي يغلط
قعدنا مخطوبين و مشاعرنا حاجة ما تبدلت فيها قعد يحبني و قعدت نحبو لكن كانت تعترضنا مشاكل و انا كنت متيقنة بلي ربي راه غضبان علينا
جازت سنتين و كتب ربي و تزوجنا و درك عندنا سنة ونصف زواج و راني حامل الحمد لله على كل شيئ
لكن حياتنا تبدلت من ناحيتي يطغى عليا الوسواس ومن ناحيتو رجع شبه مدمن و مقلق وعلابالي بلي ربي عاقبنا بهاذ الشئ خاطش راه غضبان منا
اخواني اخواتي صدقوني راح نهبل راني ندمانة استغفرت ربي على واش درت و صدقت و درت بزاف صوالح ملاح هكذاك ومازلني في الضيق و احساسي بلي ربي مازال غضبان عليا و مادام ربي سبحانه راه غضبان عمرنا لا راح نكونو فرحانين
تعيشو لوجه الله قولولي كفاه نزيد نتوب وكفاه ربي يسمحلي و يغفرلي
و من فضلكم بدون تجريح والله لي فسا يكفي و راني نتمنة فالموت حياتي رجعت كابوس ومافيها حتى طعم