وعليكم السلام ورحمة الله وبركاته
مع الاسف كاين بعض الحموات تشوف الكنة وكانها سارقة تقولك اي سرقتلي ابني وتبقى تعس فيها وتغير منها وكيما دير الكنة لازم هي تاني دير تحسب روحها مزالها صغيرة
كل واحد يعيش وقته
وتاني مفهمتش اذا الرجل هو ليخير المراة لحايب يتزوجها مشكل واذا ام الرجل لخيرت المراة باش تخطبها لولدها مشكل تاني لانو دور عليها بعد الزواج
يخي هي لجابتها علاش عليها تتصرف كيما دراري صغار
ننصح الزوجة تاعك تعيش حياتها عادي جدا تسمع من اذن وتخرج من الاخرى ومتكونش حساسة لانو هكذا راح تبينلهم نقطة ضعفها ويبقاو ينكدوا عليها حياتها
تحط اعصابها فالثلاجة وتتصرف وكان شيء لم يكن
ونقطة مهمة امك في مكانها وزوجتك في مكانها ورد بالك متقولش كلمة الحق
مين تشوف امك ظالمة انهيها ومين تشوف زوجتك هي الظالمة تاني انهيها
تذكر بلي هاذيك المراة خلات اهلها وجات باش تعيش معاك ودارت في بالها بلي انت لتحميها ودافع عليها وراها امانة عندك مالا حافظ على الامانة
بالتوفيق