:m h92: حبيت نشاركم بنوع جديد كشكل للتنويع و الخروج عن المعتاد ينفع للضياف و لرمضان حضرت الحشو تاع البوراك عادي لحم مفروم + بصل + ثوم + توابل + بيض + قصبر + فرماج تقدرو تستعملو الديول و تدهنوهم بالزبدة باه تسهل عليكم عملية التشكيل أنا مكانش عندي الديول درت ب الرقاق أو ما يسمى بالثريد نخليكم مع الشرح بالصور و تنساوش لازم تدهنو ورقات الديول باه يساعدوكم فالتشكيل عادي جدا روليها مليح مليح يعني دوريها و يلا خفتي قطعي شريط رقيق من الرقاق و أحزمي بيه فالوسط و الأطراف حليها و دخليها تحت الحبة و زيدي أدهنيها من فوق بالزبدة دايبة باه تحمار