رسالة من جيل الماضي إلى جيل اليوم و الغد :
تربينا على طاعة الله /تربينا على رضاية الوالدين/ تربينا نقدروا الكبير/ تربينا كي واحد يحكي ما نقاطعوهش/ تربينا نعاونوا الغير و نوقفوا مع المريض....
تربينا على محبة جيراننا و ضيافهم، و كبير الدار ....
تربينا على الحشمة والقدر وناخذوا بالخاطر تربينا على الدفئ العائلي ومحبة الوالدين وصلة الرحم والعادات والتقاليد والمناسبات والاعياد...
تربينا على احترام المعلم و تقديس العلم
تربينا عالحشمة والقدر وعلى الفعل الموزون. ..
تربينا على الاحترام و الخوف من المعلم والاستاذ..
تربينا على أن الام والاب مهما كبرو نهابوهم ونقادروهم...
تربينا كي نشوفوا الكبير نجروا نسلمو عليه و نعاونوه
تربينا على النية و صفاء القلب بين الاولاد و البنات
تربينا نقولوا ربي يبارك في صحتك، ربي يبارك في عَملك ربي يبارك في أولادك. و يسعدلك نهارك و ينورلك طريقك ...
تربينا مقتنعين برزقنا لي بين يدينا و نحمدو ربي و نشكروه و نسعاو ديما للخير ، و نقولو ديما الي خلق ما يضيّع....
تربينا كي نلقاو الخبز في الارض نهزوه نبوسوه ونحطوه مع الحيط ، تربينا ما نحلوش التلفزيون كيف جارنا يموت ، تربينا كي نشوفو إثنين واقفين ما ندخلوش ما بيناتهم، تربينا ما نهزوش عينينا في الكبير .....
تربينا نكرموا ضيفنا و تربينا نشاركوا الناس فرحتهم
تربينا منحسدوش ومنغيروش ومنرجعوش الي يقصدنا
تربينا نقولو الكلمة الباهية و الحلوة ونسبقوا للخير ...الله المستعان....