[biskrius]

المشاركة الأصلية كتبت بواسطة zidanehicham

لقد طرحت موضوعا منذ اسبوع عن اخذ جهاز الاستعلامات والامن التابع للمخابرات الجزائرية drs لهاتفي من نوع iphone 3g للتفتيش بعد ما شحن من الولايات المتحدة الامريكية مع شركة فيدكس
وبعد التفتيش اعطوه الى الجمارك الكلاب
انا الامس كنت في مطار الجزائر ذهبت الى مديرية الجمارك التي توجد في المطار استقبلني المفتش المتخصص في هذه القضايا السيد حكيم قطاف الذي يعرفه كل من صراتلو قصة كيما تاعي
المهم دخلت عندو ستقبلني انسان يعرف يهدر المهم ما يخليكش تتخاصم معاه ابدا يقتلك بالقدر
يعني راهم عارفين مين حطوه في هاداك المكان
قتلو علاش راكم حاكمين الهاتف تاعي اعطوهولي

قالي

• الهواتف ممنوع تدخل للجزائر وجبدلي القانون قالي هولا
• الهواتف , الاجهزة الكهرو منزلية الدرجات و الالكترونيك المهم

قتلو لكن هاذا الهاتف ما شريتوش بعتهولي ولد خالتي على اساس هدية كما راه مكتوب فالاوراق تاع فيدكس

قالي واه هدية و ممنوع
الهواتف ممنوعة قالي الله غالب هادي جاية من الفوق

زاد قالي كون جا مكتوب غي هدية برك نغمض عيني ونفوت هولك

لكن كي جا مكتوب ايفون هدية ما نقدرش قالي لانو تمركا عندنا فالسيستام

من بعد كون يجو المسؤلين يفتشو ويصيبو فات هاتف يحاسبوني قالي ما نقدرش

• وزاد قالي الله غالب سَمِينا كيما تحب كلاب سراق ما نحشموش قالي قولها نورمال
• وقالي روح اشكي اكتب فالجرائد قالي سمع الناس هادي مليحا ليكم
• قتلو كيفاش الحل
• قالي عند زوج صوالح

1. ترجعو عند اهلك للبلاد لي تحب وهوما يجيبوهولك
2. ولا تخلص transitteur وتجيبلي رخصة من عند lorpt هادي تالية معرفتهاش شكون هيا

• زاد قالي تاني هادي للافادة للجميع : الهواتف مع البريد 99 بالمئة يفوت عادي ما يحجزوهش لانو ما يتمركاش عندهم فسيستام مكاش لاتراس
• واما مع شركات الاخرى متل dhl وfedex و ups قالي هادي يحجزوها الا اذا جا مكتوب عليها هدية وماشي محدد المرسل نوع الهدية يعني ماشي كاتب هاتف هدية كاتب هدية وفقط قالي هادي نغمضوا عينينا ونفوتوها
• وهدا كل الحديث الي دار بيني وبين حكيم قطاف المسؤول على هده القضايا متل الهواتف وووو ........

اخر الكلام الي نقولو الهدية ممنوع تدخل للجزائر منذ اكتر من 50 سنة من الاستقلال
و

كل هذا الشيء الذي تكلمت عليه يسمى فقط كما تقولون أنتم في البليدة " تقنبير "
يعني السيد قطاف حكيم راه قنبر بيك فقط ...
و أسمحلي يا خويا ...و الله العظيم و أقسم بالله العظيم أنه لا يوجد شيء إسمه منع !!!!
أنت شخص عادي يعني لست تاجر ، و وضعيتك الحالية هي حالة " الطرود البريدية " و ما تحتويه للإستعمال الشخصي ، في موقع الجمارك توجد صفحة تخص هذه الحالة و الوضعية و مكتوب أن لا شيء يجمرك إن كان للإستعمال الشخصي و لا يتم بإجراءات جمركية ...
واش نقولك يا خويا إذا هذا المسمى " قطاف " قدر " يقنبر " بيك فهذا شيء آخر و الله يعوضك خير في تعبك
و السلام عليكم


للأسف وضعنا أدلة بالصور في بعض المواضيع عن صحة ما قلته و لكن دائمًا تتكرر إعتقادات الأعضاء بأن كل شيء ممنوع ،،،، أنا لا أسمح في حقي ، و إن لم يسمح لي بإستقبال الطرود و الهدايا فلما أنا جزائري