شكرا شكرا اخي عادل
وشفت الجلسة وشفت تدخل النواب
هذي الجملة تاع الجزائر جنة رضوان اهلها فقراء راها راحت بكري
في وقتنا الحالي لكان راهم يبدلوها الجزائر جنة رضوان اهلها اغنياء
والله الجزائر كيما قالنا استاذ المصطلحات قالنا الجزائر قارة صغيرة يوجد فيها كل شيئ
وصح والله مكاين دولة عندها وش راه عند الجزائر
ومكانش دولة تصرف على شعب كيما الجزائر تصرف على شعيبها في وقتنا هذا معندناش الفقير في الجزائر
كيفاش تقول فقير وعنده تلفون جوال كيفاش تقول فقير وداير انترنت وعنده جهاز كمبيوتر
والله نعرف بزاف ناس تشوفهم فقراء وعندهم تلفونات تاع ربع ملاين خمسة كيفاش هذا راه فقير
يلبسوا كل ما هو على الموضة وكل ماهو غالي
والجزائر شعبها عايش معيشة ملوك تخلص في الشيخوخة تخلص في الشباب البطال تخلص في الجامعين تخلص في المعاقين
شوفو حتى السجون متوفرة على الانترنت ومتوفرة على صالات للرياضة هذي وين تلقاها؟ ولا تلقاها في تونس ولا في المغرب ولا في السعودية ... لالا تلقاها في الجزائر برك
كاين امس نائب في المجلس الشعبي الوطني من ولاية الجلفة عجبني كقالهم سجون الجزائر اصبحت فنادق خمس نجوم وقالهم بكلام مازح (لكان نلقاو ندخلوا قع للحبس )ههههههههههه
والله مكاين الفقير في الجزائر
والغنى من عند ربي سبحانه مش من عند العبد
شككرا مرة اخرى واسمحلي طولت كتبت ردي اطول من الموضوع هههههه