[رندة.]

المشاركة الأصلية كتبت بواسطة ~اسيل ريحانتي~

الحمام المغربي يشبه للحمام نتاعنا يعني كي تسخني الدوش مليح تدخلي تحت الرشاش يكون الما سخون قد لي تتحمليه شويا قدلي يتفتحو المسامات بعدها تحكمي كمية من صابون بلدي تدهني بيه كامل الجسم نتاعك وتخليه لمدة عشر دقايق
بعدو تشلي مليح جسمك وتحكي بالليفة الخشنة راح يتنحا العجب منك ههههههه كل الخلايا الميتة راح تتنحا
انا صابون نخلطو بعصرة ليمون يبيض المناطق الداكنة مثل الركب والاكواع وتقدري بعد ماتحكي تحكمي نص ليمونة وتفركي الركب واي منطقة داكنة
ثم تشللي مليح وتعاودي عملية الحك بالليفة حتى مايبقاش .............. ههههه

كاين لي يخلط الحنة مع صابون لبلدي مي انا مانبغيش الحنة نكرها هههههه
وبعد ماتنهي شلي مليح بجال دوش ريحتو تكون شابة وشلي ثم ادهني جسمك كامل بكريم مخصص للجسم
ورجليك بكريم ديكسيغيل
نسيت الشعر قبل ماتدخلي دوشي توضعيلو ماسك لي هدرت عليه او ماسك خاص بيكم موالفين توضعوه وتلفي شعرك ببوني بلاستيكي حتى بعد ساعتين تدوشي وبصحتك الحمام المغربي هههههه
اي سؤال انا في الخدمة

يتبع....................