[نفحات]

اختي التوسويس هذا محال نعطيوك حل هذي لازم تفرزيها وحدك
انا ننصحك نصيحة. واحدة حذاري ثم حذاري ونزيدك حذاري تصارحي زوجك بما يدور في خاطرك
تولي في حل واربط تقوليلي واش المشكلة؟ نقولك انت راكي في مرحلة الظن يعني ما عندك حتى معطيات كاين احتمالين اما تكوني صح او غلط
اذا كان الاحتمال انك على خطأ رايحة تكوني حفرتي قبرك بيدك كي تقوليلو رايحة تنبهيه ليها، نعم المخلوقة اللي عاشت جارتو منذ الطفولة ما انتبهش ليها حتى جيتي انت يا لالة ونبهتيه بلي كاينة جارة ما شاء الله وهذي دنيا ممكن يصرا فيها كلش لا تستغربي ممكن انسان يعيش قدامك سنين ما تتولهيلوش حتى تصرا حادثة مثل هذي هههه
واذا كان صح وشكك في محله قادرة بمصارحتك له تفكيلو العقدة ويصارحك هو تاني وتسهليلو عملية الزواج بيها الا اذا كنت على استعداد لذلك هذا رايك انا راني نحكي معاك بعقليتي انا طبعا
المهم يا مخلوقة خلي راجلك في حالو واتلهاي بروحك ما يهمش واش كان قبلك يهمك انك انت الواقع تاعو درك خلاص مادام راه مليح معاك ما تحوسيش على الداخلية تاعو كيفاه
هيه نوصيك بحاجة داومي الاستعاذة بالله من الشيطان ومن الوسواس وغير ذلك لان الشياطين تحب أن تفرق بين الأزواج وخاصة المتفاهمين
وباه نعاونك اكثر على تجاوز المحنة هذي انت راقبي تصرفات زوجك معاك اي لقطة مليحة يديرهالك كبريها في عقلك وثمنيها وكافئيه عليها مهما كانت صغيرة درك بالتدريج تنساي الخالوطة هذي اللي راكي فيها وتعرفي النعمة اللي عطاهالك ربي الله يبارك
اخيرا راجلك هذا استسلم لقدر الله وفهم بلي انت مكتوبو وعايش حياتو فلا تعكري عليه حياته الله يرضى عليك اعطيه مساحة خليلو بعض الخصوصية من فضلك.