[ام شمسو محمد]

فوائد زيت الخروع للشعر : عندو 2 فوائد :
_ يرجع للشعر النعومة و المرونة و البريق .
_ عندو تأثير تحفيز إعادة النمو : كي تدلكي بيه فروة الرأس يعاود الشعر ينوض بسرعة و يمنع تساقط الشعر .
كيفاش تستعمليه ؟
زيت الخروع عندو الخاصية تاع السُّمك و اللزوجة ، خلطيه نص بنص مع زيت الزيتون مثلا و ديريه في شعرك و هو ناشف من الجذور للأطراف و مبعد وش تديري :
_ تدلكي شعرك بحركات دائرية صغيرة بأطراف الأصابع من الجذور للأطراف باش الشعر يمتص الزيت .
_ تغلفي شعرك في بلاستيك ليلة كاملة و الصباح تغسليه بشامبوان حتى يروح الزيت كامل .
تقدري تستعمله أيضا لتطويل الرموش .


الخميرة هي مكمل غذائي غني بالفيتامينات و المعادن ، هذي الكائنات الحية المجهرية الطبيعية تقدر توفرلنا عناية تجميلية بالبشرة ، الأظافر و الشعر .
استعمليها في قناع لتقوية الشعر و اعطاؤو البريق و الحيوية ، الخميرة تطلَّع الشعرة الرقيقة و تساعد في إعادة نمو الشعر المتساقط .:
في وعاء خلطي 2 صفار بيض و انتي تحركي زيديلهم 3 مغارف كبار خميرة كي تتحصلي على عجينة ديريها على الجذور و دلكي بلعقل فروة الرأس باش تنشطي الدورة الدموية ، خليها 45 د مبعد شلليها ....إذا كني حابة ديري ترطيب و تنعيم لشعرك زيدي للمكونات السابقة 5 مغارف عسل .