السلام عليكم ويومكم أجمل وسعيد .
حبيت نقوللكم بان الزيادة الى ذخلت نهار الجمعة الوالدة مستفادتش منها نهائيا معرفتش علاش مهمشينا وينساونا من 2013 عطاولها منحة العطب لحد الساعة لم تستفيد من اي زيادة لا في منحة العجز ولا في منحة العطب عندما سألت علاش قالولي كي يزيدو في smig عاد يزيدلكم في منحة العجز والله يا خاوتي مفهمتش قوانين الجيش صعيبة بزاف وخالوطة ماشي كيما الوظيف العمومي معندهم حتى تشابة ولا بالاقتراب في حقوق الموظف باختصار العسكري محقور كي يتقاعد ولا يموت ميعنيلهمش قاع وينساوه انا نشفا على الاشهر الاولى كي مات الاخ نتاعي كانو صحابوا كل يوم يجيو يطلو على بابا ربي يرحمه وعلى الوالدة ومنبعد خرجوا قاع من العسكر وهنا علامة الاستفهام معرفناش علاش وانقطعت العلاقة نهائيا مع العلم بعد مرور سنوات كانوايجيو يزورونا مع عائلاتهم وزوجاتهم المهم ربي ياخذ الحق ملقيتش وين نفرغ قلبي* راني نحكي لخاوتي همي الوحيد هي الوالدة مسكينة تتفكر وتدعي الى كان سبب في موت خويا المهم كاش معلومة منعرفهاش ينورني ربي يجازيكم على الاقل باغية نفرحها في هذا الشهر الفضيل وشكرا وسامحوني على ضياعة الوقت وحكايتي الله غالب قلبي معمر وواش راه مخبي نخليه لربي سبحانه تعالى نهاركم مبروك وسامحوني* سامحوني برحمة الوالدين