شكون سمع بالصيام المتقطع؟ 
الصيام المتقطع أنك تخلي فترة طويلة بين آخر وجبة في اليوم و أول وجبة في اليوم الثاني.
**** واش يدير هذا؟
1- خلال فترة الصيام الجسم يستهلك السعرات الحرارية اللي وفرتها الوجبة و يتجه لاستهلاك الدهون المخزنة مما يساهم في تخفيض الوزن. بالصح استناو!! لازم تخيروا واش تاكلوا.
2- مستويات الأنسولين في الدم تنخفض خلال الصوم و هذا يساعد في ضبط عدة هرمونات. هذه النقطة تعاون مثلا النساء اللي عندهم تكيس مبايض.
كاين فوائد أخرى يطول شرحها. تلقاو البعض منها و كيفية الصيام المتقطع هنا. بالصح هادو هما النقطتين الأكثر أهمية.
**** واش الفرق بين صيام رمضان والصيام المتقطع؟
صيام رمضان يختلف عن الصيام المتقطع في نقطتين. الأولى أنكم في الصيام المتقطع تقدروا تشربوا أي حاجة خالية من السعرات الحرارية (يعني خالية من السكر و الحليب مثلا) خلال فترة الصيام. الثانية هي أننا في رمضان نصومو في النهار وفي الصيام المتقطع الليل أو وقت النوم محسوب مع ساعات الصيام (يعني بالمقلوب).
**** هل صيام رمضان عنده نفس التأثير؟
الجواب هو نعم. بالصح نرجعو لنقطة اللي قلناها مقبيل، لازم نعرفو واش ناكلو. تحسين عاداتنا الغذائية خلال شهر رمضان يساعدنا في تحقيق أهداف صحية ما كانتش حتى في بالنا.
اللي عندو إضافة، إستفسار وإلا حاب نتعمقو في نقطة معينة مرحبا 