[آية نور اليقين]

المشاركة الأصلية كتبت بواسطة إلهام07

مساء الخيرعليكم حبيباتي

بما أنو الامتحانات خلاصو ورانا عطلة قلت نستغل الفرصة و نحط بعض الوصفات اللي طلبتوها سابقا

ألذ وأهم وصفة حبيت نبدى بيها هي الوصفة المميزة للبريوش أو خبز الحليب الصيني بحشوة جوز الهند وصفة العجين نفسها لخبز الحليب الفرنسي ولكن الفرق في الحشوة فقط

ننصحكم جربوها لأنها وصفة رائعة ونكهة الحليب البودرة واضحة في العجين وزادتها بنة أما ريحة وطعم الحشوة ممممممم مانحكيش وصدقوني أمي وأبي مايحبوش جوز الهند ومع ذلك عجبتهم بزاف


حبيت نقول ملاحظة فقط ، الطريقة الصينية لتشكيل هذا النوع من البريوش تكون كيما الشهدة يهني يعملو كرات ويحشيوها ويحطوها في صينية أو يعملوها رول كيما le pain au chocolat انا هنا فقط حبيت نعمل شكل جميل وممكن تعملوها على شكل 2 وردات كبار قد الصينية نتاع الفرن لكم الحرية








تابعوا المقادير والطريقة :

المقادير لـــــ 6 وردات كبار أو 10 وردات صغار :

2كاس فرينة كبير ممسوح،4 م ص خميرة خبز،3 م ك سكر،2 بياض بيض، 1 م ك فاني، 1م ص ملح،3 م ك حليب بودرة، حليب دافئ للعجن (حوالي كأس متوسط)،رشة محسن خبز، ½ كيس خميرة حلويات (5غ)، 2 م ك زبدة طرية (حوالي 40غ)

للدهن : 2 صفار بيضة + 2 م ص قهوة سائلة أو حليب سائل ، لا جولي ، معجون مشمش ، جلجلان محمص

للحشو: 1 م ك سكر بني ، 1 م ك فلان كاراميل ، جوز هند (حوالي كأس متوسط)، زبدة ذايبة (حوالي 2 م ك )

الطريقة :

في صحن نضع كل المكونات الجافة ونخلط ثم نضيف بياض البيض ونبدى نضيف الحليب الدافئ تدريجيا مع العجن حتى نحصل على عجينة طرية ورخوة نعجنها جيدا حوالي 10د ثم نضيف الزبدة الطرية ونكمل العجن حتى تصبح مطاطية جدا وملساء ( استعملت العجانة)

نضع العجين في صحن مدهون بالزيت ونغطيه ببلاستيك ونضعه في الرف الوسطي للفرن ليختمر (طبعا الفرن طافي) وفي الرف السفلي نضع إناء فيه ماء مغلي حتى تتخمر العجينة على البخار ويتضاعف حجمها .

نحضر الحشو : نخلط المكونات كلها جيدا و نقسمهم إلى 6 باش يجي الحشو متساوي و نغطيها حتى لا تنشف

نرش سطح العمل بالفرينة و نقسم العجينة إلى 6 كرات متساوية الحجم (حوالي 110غ) وإذا حبيتهم صغار نقسمهم على 10 كرات

نكورهم ونرشهم بشوية فرينة (خفيف برك ) ونغطيهم ببلاستيك ونخليهم يريحو حوالي 15د .

التشكيل: نفتح كرة العجين ونضع الحشو ونغلق مليح ونكورها ونفتحها بالرولو على شكل قرصة ومانرققش بزاف ( نستعين بالفرينة )

ننقلها إلى صينية الفرن مدهونة مليح بالزبدة ونقطعها بسكين حاد إلى 4 أرباع وكل ربع نقسمو إلى 3 فيكون المجموع 12 بتلة للزهرة ونشكلها مثل ما هو واضح في الصور ونغطيها ببلاستيك ونخليها تتخمر في الفرن (طافي) وتحتها ماء مغلي (كل ما يبرد الماء نبدلو)

لما تختمر الوردات ندهنهم بخليط البيض برفق (نستعمل بانسو السيليكون) ونحط في الوسط ملعقة صغيرة معجون مشمش وجلجلان محمص وندخلهم لفرن مسخن مسبقا على 180°

لما تتحمر من تحت ومن فوق نخرجها وهي سخونة ندهنها بلاجولي .

تقدم ساخنة مع قهوة أو حليب روعة في الطعم والخفة ونكهة الحليب في العجينة مع طعم الحشو من أروع مايكون .


أترككم مع الصور :

أخيرا ... نقوللكم جربووووووها ما تندموش إن شاء الله







مع تحياتي ..... أنا لهلوبة

سلام شكلها روووووووووووعه حبيبتي ومجربة البريوش بالياوغت كنتي نزلته جاني خفيف ورائع وراح نجرب هذي ان شاء الله