السلام عليكم و رحمة الله .
اختي سعاد هده خلاصة تجربتي حول الميكروند
من حيت الماركة راهم كلهم ملاح اشري مركة معروف خصك غير تصحفضي به يعني نظافة لازم تمسحيه وتنشفيه بعد كل استعمال باش ميتعفنش
اشتري جهاز ثمنو معقول و استعمليه غيرللتسخين لان الطياب فيه ليس له مميزات من حيت الدوق اوشيئ اخر الا سرعة و مقارنة مع واش راهم يقول على الاخطار ننصحك تبتعدي على الطياب فيه و ديريه غير لتسخين راح يفدك بزاف
متشريش ماركة ديجيتال لان الديجتال ميحبش اللمس بزاف و هكدا متخفيش عليه كي يستعملوه كل العائلة.
من ناحية الصحن الدوار لبداخلو اشري نوع متوسط يكفي لانو كل مكان الصحن كبير تزيد الثمن.
من ناحية السرعة تاني اشري كحد اقصى 900 واط ادكنت ستستعمليه لتسخين فقط.
كما قلنلك متنبهريش ب les obtionsليدكرهم البائع لانو راح يبعلك اغلى شيئ و الفائدة قليلة مثلا الشواية
مش مهمة عندك البديل الطياب طيبي في الكويزنيار وخليه غير للتسخين لانه من هده الجهة لا يعلى عليه و بدارهم معقولة وبطمئنان لانك مبعد راح تكتشفي بانو الاستعمال الكثير راح يكون التسخان ادن منضيعوش دراهمنا
هده تجربتي الخاصة لستعملتها عندما شريت الجهاز وهو عندي من3 سنين و ماركتي whirpool يعني عادي مفيه حتى ميزة و من ناحية المساحة مش كبير بزاف و حتى تع اخواتي عودو باعو الكبار و شراو عادي كما تعي
و اخيرا لازم تشريلو غطاء يستعمل من الداخل لتغطية الاطعمة عند التسخين باش متتعرضش للاشعة و راهم مش غالين غير 25 الف للكبير و 10 الف للصغير يعني 35 الف تشتري 02 و دربي العائلة مند اول استعمال على تخطية الاكل
ارجو ان اكون افدتكي و لي عندها معلومة اخرى نتمنى تفيدنا بها