اقتباس:
المشاركة الأصلية كتبت بواسطة (~ ..أســـامة .. ~ )
و عليكم السلام
ان شاء الله يكون الطب من نصيبك
طبعا رايح نقولك باختصار لاننا اذا تكلمنا عن الطب لا ننتهي و انت مازلت في البداية
السنة الاولى تكون صعبة قليلا .... لاخطرش تكون جديد في الجامعة و صعيبة باش تتأقلم و زييييد تكره لانك لا تشعر انك طبيب يكون كل شيئ نظري يعني تدرس جسم الانسان بشكل عااااام
طريقة الدراسة كما الجامعات كاين المحاضرات les cours الحضور غير اجباري و انا انصحك بالحضورر متكرهش منهم لانك رايح تندم من بعد
و كاين les tp et les td الحضور اجباااااري
كاين جامعات فيها امتحانين في السنة كما احنا في سيدي بلعباس و وهران و الجزائر العاصمة و كاين ليعندهم 3 امتحانات في السنة
بالطبع لازم يكون معدلك السنوي فوق 10 لتنجح ماشي كما ال ام دي
السنة الثانية هي الاسهل ... لان الدراسة سهلة نسبيا و المواد قليلة 5 فقط ............ يعني راحة لييك تحضيرا واش يجي وراها
السنة الثالثة صعيبة على حسب كلام الطلبة .... فيها تشعر انك طبيب لانك تبدأ بدراسة الامراض و علاجها نظريا
السنة الرابعة و الخامسة و السادسة
تدرس فيهم ب systeme modulaire يعني تدرس كل موديل وحده لما تكمل موديل تجوز امتحان عليه و تدخل في الموديل الجديد و هكذاااا و فترة دراسة كل موديل تتراوح بين 4 الى 9 اسابيع
و السنة السابعة تكون على شكل تربص داخلي في المستشفى الجامعي
و ان شاء الله مع الوقت تزيد تعرف بالتفصيل
بالتوفيق |
بارك الله فيك أخي,,, فقط اريد التوضيح أنه في جامعة الجزائر العاصمة يوجد اربع مواد فقط و ليس خمسة كباقي الجامعات و هي تعتبر من أصعب السنوات لأن فيها بزاف لاشارج في الاربع مواد هادوك.. كما أن مدة دراسة système modulaire تختلف أيضا عن باقي الجامعات ولكن اختلاف طفيف حيث يوجد module يدرس سنة السادسة (les urgences) يدرس لمدة 18 اسبوع وليس 9. كما ان اقصر مادة في جميع الجامعات هي 3 أسابيع وليس 4 و شكرا