السلام عليكم اختي
موضوعك روعة وفي محلو والحمد لله ممكن لاحظتو ردودي أنا ما عنديش المثالية وكلمتس نقولها ولو يكون واش يكون
بالنسبة للهجوم على اصحاب المواضيع والله شوفي ماكانش شجرة ما هزهاش الريح وكاين بنات هنا معانا مراهقات الله غالب عليهم وحدة ما عندهاش لمن تحكي ووحدة تخاف من امها او ختها تجي وتحكي وتشوف ردودنا ردي وردك ورد آخر تقتنع وممكن نساهمو في منعها من كارثة او طريق هاوية علاه لالا وربي يجازي كل واحد يساهم بكلمة طيبة
كاين اخت من الشلف حطت موضوع اللي تحب واحد كلكم قريتوه كاين اللي ردو بطريقة انا إستفزوني ورديت في ماكنها علاه يوصل عضو يقولها اهلك ما رباوكش واش دخل الاهل فالوسط هي جات تطلب نصيحة نقولولها بلا لوم او تعنيف كلنا مرينا بالطريق هذي وربي تاب علينا ننصحوها
نقولك الصح كاين الواثق انا نسمع لكلامو بزاف ولما يناقش يناقش ويرد بكل ثقة ويالدليل نافشني في موضوعها وانا فهمتو وجهة نظري ما نحرضهاش تحب لكن ما نهاجمهاش هذا شعور ربي يزرعو فالإنسان لكن ربي طلب منا يكون فالحلال لكن البنات الصغار يتبعو شعورهم وإحنا واجبنا ننصحوهم
شكرا اختي وبارك الله فيك وشكرا الف مرة موضوعك هايل يعني اللي تتقول كلمة الحب كافرة ويهاجموها واللي يقول عجبتني طفلة وخليتها وما نتزوجهاش هذاك الملاك الطاهر ربي يهدينا صحا فطورك