[ه والله حاجة باينة القراية وحدك في الدار مش مليحة خلاص..تصعاب عليك وزيد العامل النفسي انا كنت محطمة صح سورتو اكتوبر نوفمبر ديسمبر خاطر صحباتي كامل راحوا يقروا و انا بلوكيت و قعدت في الدار وبدا يوسوسلي الشيطان بلي ظرك مانقدرش نقراا ومانجيبش مليح بصح الحمدلله جاهدت نفسي وتغلبت على الأفكار السلبية واستعنت بربي و الصلاة والدعاء..بديت نراجع في ديسمبر..مراجعة خفيفة برك..بصح في فيفري بديت نراجع صح ..نوظ صباح من 7 نبدا نقرا ركزت على المواد الأساسية حليت بزااف و استعنت بكتب خارجية في العلوم أحمد أمين خليفة مع المصنف والكتاب المدرسي..نقرا الدرس ونحلل الوثائق وحدي ونشوف في المصنف ونرسّخ الفكرة مليح في راسي وهكذا كي نكمّل وِحدة نحل تمارينها من كتاب أحمد أمين..وديت فيها 18.5 الفيزياء سلسلةالهباج وكتاب المراجعة النهائية ألفوه مجموعة من الأساتذةوالله رااااااائع راااائع ساعدني بزااف وفيه عفايس هايلين وبالإضافة للسيجيات ..كنت نحل بزاف يعني ماتتصوريش الكم الهائل تاع السيجيات اللي كان عندي..ديت 18 الرياضيات مانسيتهاش من العام اللي فات وبالتالي مارجاعتهاش طول بديت نحل في التمارين وجاتني أسهل مادة ماكسرتش راسي معاها بزاف .استعنت بكتاب المراجعة النهائية وكراسي تاع الدروس الخصوصية تاع العام لي فات والسيجيات طبعاا الحمدلله ..مادرت دروس خصوصية ماكسرت راسي ..قريت كلشي وحدي ,,بصح ديت 14.5 فيها..السيجي كان طويل بزاف وانا ماعرفتش نظم وقتي ..هردت الحالة هههه في فيفري كملت الاجتماعيات بصح والله في افريل لقيت روحي نسيت كلش كي شغل ماحفظتش..عااودت كلش في افريل وزدت عاودت في ماي..التواريخ والشخصيات والمصطلحات خليتهم حتى أواخر ماي وكل يوم نعاودهم خاطر يتنسااو بزاف والله مام وتحفظيهم ليوم تنسايهم غدوا ..وبالرغم من هذيك الحفاظة كامل وديت 14 ههه العربية في افريل استعرت كتاب صغير فيه حوليات باكات سابقة وفيه مقترحات نسيت اسمو ..وبعثلي استاذ نعرفو (جزاه الله كل خير) بعثلي ملخصات و الأسئلة المتكررة وطرق الإجابة وقالي ركزي مليح عليهم ..ركزت ركزت لقيت روحي ننسى وليت حفظتهم ههه وديت 16 =) ''أول مرة ندي هذي العلامة من سنة 4 متوسط خخخخخ'' الفلسفة استعنت بكتاب بوكحيلي الربح..مقالاتو هايلين ماتكرهيش خلاص..والله وليت نحب الفسلفة خاطر لقيت هاذ الكتاب ملخص المفيد برك ومقالاتو صغيرة نوعا ما ونتي توسّعي وحدك.. بديت نحفظ في المقالات من شهر مارس بصح مش بزاف ..غير كي تنفحلي ..وكل مرة نسقسي وش هوما المقالات المقترحة باش نركز عليهم ..اللي قالولي عليهم حفظتهم مليح وركزت عليهم وطاحت وحدة منهم الحمدلله ههه بصح عطاوني غير 9..كنت متوقعة على الأقل 13 خاطر العام اللي فات درت مقالة أسوء من هذي وعطاوني 12.5 الانجليزية خليتها حتى آخر يوم في ماي ههههه مافيها والو يعني انا الحمدلله متكمنة من اللغات راجعت شوي الصفحات لخّرين تاع الكتاب المدرسي وشرحت كلمات اللي ديما يجيو في نصوص الباك (اللي كنت ناسيتهم) ديت 17 الفرنسية اسبوعين قبل الباك بديت نراجعها..ختي استاذة في الثانوية ساعدتي بزاف وفهمتني في الحوايج اللي يطيحو..وحلينا باكات مع بعض وركظنا مليح على الأسئلة المتكررة..يعني عموما كلها متكررة ..ركزي مليح على compte rendu ..ديت 16 العلوم الاسلامية في شهر ماي حطيتها في يومين حفظتها ونحيتها من الطريق وعاودتها كي وصل الباك ..ديت فيها17.5 مع انني كنت صحيحة في كلش مافهمتش علاه ماعطاونيش 20 -__-'' الحمدلله على كل حال ______ المهم انا نقولك ختي جاهدي نفسك واقراي بذكاء ماتقرايش بجهد..انا عهام كامل وانا نوظ على 7 ومانسهرس..يكفيني الوقت ويفضل نتفرج نكوناكتي ندير ساعات شغل البيت ..المهم حافظي على تركيزك و ذكااءك ..لاكان بلوكيتي والله يكفيك الوقت ويفضل لاكان مزلتي مترردة في انك تبلوكي ولا لالا..شوي وش يخرج عليك ماتسمعي لحى واحد..يعني انا بلوكيت وكنت عمبالي بلي نقدر نجيب مليح وماتمسخرتش ..كاينين اللي يبلوكيو يقعدوا غير يتمصخروا..يوالفو القعاد ومايقرااوش خلاص.. وباش توفقي بين قرااية الجامعة منا و البااك منا(سورتو لا عدتي حابة جيبيه بـمعدل كبير ) مشكيتش تقدري يعني..صعيب الحال..اصلا تتعبي من قراية الجامعة لاشتا و درتي أسهل تخصص .تتعبي..انا بزاف صحباتي اللي قراو في الجامعة بيولوجي/رياضيات/علوم المادة واحدة منهم ما جابت مليح ..وانا ووحدة صحبتي كي بلوكينا وقرينا في الدار جبنا الحمدلله ربي يسهلك ان شاء الله و كثري الدعااء بزاف و ان شاء الله جيبي مليح وتفرحي كيما فرحت انا العام هذا =) سلام [/QUOTE] والله يااختي انا اهنئك على عزيمتك واصرارك . ممكن تعطيني الفيس بوك الخاص بك اوا ي حاجة نتواصل بها لان انا محتاجة مساعدة من واحدة عندها خبرة . وخصوصا في كيفية تجميد الدراسة الجامعية . شكرا مسبقا وبالتوفيق