[مسعودي خولة]

]السلام عليكم اختي انا من جيهتي داري وحدي ووالديا يسكنو قراب مني انا نروح بزاف و كل ويكاند نروح نبات الخميس الجمعة و السبت نروح في الليل بالصح سقسوني علاه انا منحبش نروح غير ساعات برك سيرتو الويكاند نقول نقعد معاه خير باه ماتضيقش روحو بالصح زوجي هو لي يجبرني نروح مع العلم عندي عام و نصف زواج برك انا زوجي كي يجي من الخدمة يتكسل شوي ويخرج ميوليش حتى لصلاة العشاء ديجا راهي 9.00 يتعشى ويتفرج شوي و يرقد اما في الويكاند بالخميس في الليل كي العادة بالصح يتعشى و يخرج و ميروحش حتى 12.00 و انا نقعد وحدي نبكي نبكي و نسكت و نرقد كي يجي نسمطو هو ينوض يعيط علي و يقولي خرجت شوي درتيلي هكذا و سمطتيها عليا و.......و...... نخليه غدوا ينوض يصلي الجمعة يجي يقعد شوي و يخرج يروح المغرب يتعشى و يعاود يخرج ميروحش ل 12.00 كي العادة وهذه هي قصتي مع دارنا مع العلم انو انا نسكن قريبة من بيت جدو يعني كل ويكاند يتلمو ولاد الخال و يسهرو كي عادو مايخدموش اعطوني حل و شيخو علي واش ندير مع الزوجي لي كل ويكاند مخليني وحدي