[أم أسرار]

بسم الله الرحمان الرحيم
سابلي بدون بيض سهل و إقتصادي و البنة مانحكيلكمش ممممممم ممتازة نتمنى أنو يعجبكم

المقادير
250 غ زبدة
120 غ من السكر
360 غ من الدقيق الأبيض (فرينة)
½ م صعيرة من خميرة الحلويات
2 ملعقة كبيرة حليب
100 غرام من فارميسال شوكولاة
قليل من الملح

للتزين
شوكولاة
لوز أو كاوكاو

طريقة التحضير
في العجانة الكهربائية ناخد الزبدة طرية و نضيفلها السكر و نعجنهم حتى تولي كي المرهم –بوماد-
نضيف الفرينة لي زدنالها الخميرة و رشة الملح بالتدريج على الخليط زبدة و السكر و نخلط جيدا
نضيف الحليب و نخلط جيدا
في الأخير نضيف الفارميسال و نخلط مليح حتى نتحصلو على العجينة تكون طرية
ندخل العجينة في الثلاجة حتى تتماسك
نخرج العجينة من الثلاجة و نشكلها صبيعات و نحطها في الصينية ملاحضة مانقربوش صبيعات على بعضاهم باش ما يلتسقوش
بعد الطياب و الحلوى تكون بردة مليح نغطسو الحافتين بالشوكولاة و نضيفولهم اللوز أو كاو كاو كيما راه يبان في الصورة
ملاحضة الوصفة تحضر بالعجانة الكهربائي أما أنا ستعملت يديا هذا لتسهيل على من ليس له العجانة الكهربائية













لا تنسونا من صالح الدعاء