[طالب له هدف]

المشاركة الأصلية كتبت بواسطة -queen of dreams-

مرحبا
حابة ن سقسيك
يعني نتا مابديتش من سبتمبر ولا كيفاش
انا راني حرة ومزال قاع مابديتش غير كيما بديت عندي 3 أيام برك اسكو يكفيني الوقت صح للامتياز ولا صايي راح الوقت
للعلم راني نقرا فالجامعة باراميديكال
راني حاسة الوقت مايكفيش قااااع قولي يكفيني او نو وطريقة تنظيم الوقت
نتا قلت ملخصات نكتبو تاع المغني لكن هناك من يقول لازم نديرو ملخص شخصي
عندي ملخصاتي تاع العام اللي فات لكن حابة نعاود جدد ضرك ندير كيم قلت نتا نكتب تاع المغني ولا ندير ملخص شخصي تاعي
طريقة التعامل مع العلوم رجاءاااااا هيا اللي ضيعتني العام ا للي فات نقاطي قاع ممتازة نقطة 12 فالعلوم هبطتني قاع
وشكرا

اهلا بكِ ...
السؤال الذي يطرح نفسه ... اسكو طلعتي السوماستر الاول في الباراميديكال ولالا ؟؟
-اذا كان نعم .. مليح ركزي على البكالوريا 90 بالمئة و 10 بالمئة اقري للشبه الطبي ...
-اذا كان لا ... للاسف عليك اختيار احد الطريقين .. يا تخير الشبه الطبي ولا تقري للباك وحدة فيهم ماشو في زوج .. يعني في حالة مطلعتيش السوماستر .. لازم تخيري وحدة فيهم لا اكثر وهذا عن تجربة ...

" حكاية الوقت ما يكفينيش ". حتى اللي بدا بعد رمضان من الصيف .. روح سقسيه يقولك ( والله الوقت مكفيناش وينو المشكل .. راح العام ..) هذا الشعور تاع الوقت يروح عليكم كي تكملي الباك ان شاء الله ..
بصح لازم ذرك تبدي يا اختي ... مارس افريل ماي ... 3 اشهر .. راكي قدها .. 3 اشهر تقدر تعوضي ( ومانيش نطلعك في المورال بالكذب والمثاليات .,.. لالا هذه حقيقة ... في 3 اشهر تقدري تعوضي .. ماتبقيش تتحسري على الاشهر اللي فاتت فقط نظمي وقتك وانطلقي .. والله المستعان .. ربي يوفقك

+ انا قلت لكم طريقتي في الملخصات والمراجع اللي نشوفيها مناسبة .. و انت حرة اذا حبيتي تعمتدي على طرق اخرى او ملخصات شخصية .. لان طرق الدراسة تختلف ..حتى الممتازين كي تسقسيهم كل واحد فيهم عندو طريقة معينة في المراجعة ... وكل واحد كيفاش قرا و المصادر تاعهم المختارة مختلفة تماما ومع هذا جابو نقاط متشابهة 17 و 18 .. لكن في نظري .. الطريقة التي ذكرتها في الموضوع كافية للالمام بالمادة من كل النواحي ... وانت حرة في اختيارك .. ( العلوم والادب .. سيتم اضافة الجزء الخاص بهما ...)

وفقكم الله ...