يا اختي هذي الرشمة تاعي اللي رح نخدمها في جهازي هي بمودال العنبة و لا كان عجبتك نصورهالك اوضح من هك
https://www.up.djelfa.info/uploads/13645887817071.jpg
رح نصورهالك بشكل اقرب باش تبانلك مليح و تقدري ترسميها و بالنسبة للسلعة يا اختي شوفي حبات العنب يتخدمو بحجرات صغار باللون اللي يوالم قماشك اكي تلقايهم يتباعو تجي الحجرة قد الحبة في الرشمة و الباقي تستعملي فيهالعقاش لشكل الريش و الخطوط و في مكان النقاط تخدميها بالسمسم و تعمري بالعدس و الالوان كيما تحبي على اللي يخرجلك مع القماش
هاذي صورة الرقبة
https://www.up.djelfa.info/uploads/136463208880471.jpg
و هنا حاولت نقربهالك باش تبانلك خير الرشمة
https://www.up.djelfa.info/uploads/136463215834571.jpg
وهاذي صورة المرش انا بالنسبة ليا حنديرها ب زوج مراش واحد من القدام واحد من الخلف و نفصلها درواط
رح نحطلك صور من بعيد و من قريب باش تكونلك واضحة و هاديك اللي بشكل مثلث في الجنب راهي رشمة المراوح
https://www.up.djelfa.info/uploads/136463236038061.jpg
https://www.up.djelfa.info/uploads/136463240244741.jpg
https://www.up.djelfa.info/uploads/136463243701511.jpg
نتمنى نكون قدرت نعاونك و لكان ما قدرتي ترسميها وحدك اختي راكي تقدري تشري رشمة راهم يتباعو في المحلات اللي يبيعو حوايج الخياطة الخيط و الفتلة و السمسم وهادوك لحوايج تقدري تشري وحدة و ماهومش غاليين ب 7500 بسبعالاف و خمسميات فرن برك وربي يقدرك انا راني نخدم في قندورتي تع الفتلة حتى نكملها باش نولي لهادي ولا كون اني نعتلك الصور كون بديت فيها