السلام عليكم
انا متزوجة اسكن مع اهل زوجي
منذ زواجي لاحظت تكتم ام زوجي وبنتها على عدة اشياء غني رغم اني ناكل معاهم في نفس طبسي حجى ميقلوهالي. مرة لولة قلت بلاك لاني جديدة وانا ثاني كنت منسقسيش نقول حوايج. متعنينيش. بصح ذرك امر اصبح لايطاق. يجو ضياف ميقولوليش. غير كان سمعت بيهم جاو ولا عيطلي ضيف ميقلوليش حتى خارجين رايحين نخرج نلقى دار فارغة. خطبة راني في دار منسمعش غير قبل خطبة بنهار هذا كل مقتلهم والو قلت امورهم شخصية ياسر اشياء. نسمع من برة وانا معاهم منسمعش نحشم كي يقولولي كفاش معلبلكش وانت معاهم
يا عجابة يا ربي نشورها واش نطيبو تقولي معرف. وهي راهي عارفة واش طيب ووجدت حوايج طياب انا باش نطيب ولا نعونها. واه باش تقولي واش طيب ثاني تخبي
كرهت عقلية هذي حسيت روحي برنية فسطهم وياسر امور والله واقسم بالله انا لي راني نتفدى في مشاكل خصوصا مع وحدة من بناتهم عادت تشرشي فيا وانا منرعلهاش عادت تصرف فيا حتى وين نحط قشي ولا نفرشو مي هنا وقفتها عند حدها
لكن أمور اخرة مقلقتني فيهم والله ماني ندعي روحي ملاك لكن قد منقدر راني ساكة ونفيتي في مشاكل. مش حابة أمور تكبر
انا صح منحبش مداير ياسر بصح هم ثاني مخلاوليش فرصة ديما قاعدين وحدهم وانا وحدي
كرهت معيشة هذي
مصروف يحبوه عليا لكان يكونو مش في دار ونحب نطيب منلقاش واش نطيب