#بكري كان الراعي سراح
ولكلب نباح
ولمرا قايمة بلمراح
#وليوم الراعي رجع سواڨ
ولكلب عواڨ
ولمرا تطلب الطلاڨ
#بكري كان الباب لوح ولقلب مشروح ولخير مفتوح
#اليوم الباب حديد ولقلب صديد وخو على خوه بعيد
#بكري كان الجار هو مول الدار
#اليوم صباح الخير ياجاري
أنت في دارك وأنا في داري
#بكري كنا خاوة وناكلو في طاوة
#اليوم كل واحد وكاسو
كل واحد ونعاسو
وكل واحد هز همو فوق راسو
#بكري كان التمر لحليب
#اليوم الطاكسي وطبيب
#بكري كان المغزل ولقرداش
#اليوم البورطابل ولفراش
#بكري كانو يحلبو البڨرة ونعاج
#اليوم غير السيشوار ولمكياج
#بكري كانت الرجلة خصال
#اليوم رجعت الرجلة مال.....