صباااح الخير هاني رجعتلكم بتطبيقااات اخرى مازال ما لحقتش الى المئة مي نظن انني حطمت رقم قياسي فهل من منافس في هذه المرة كانت عندي الفواكه متنوعة تفاح موز رمان عنب تين خوخ بصح لحقت على هاذو العصائر فقط عصير النفحات الله الله على اسمو وذوقو حاجة فوووور واقتصادي مع انا مانحبش الفواكه بصح انا درت تفاح شوي احمر شكرااا اسلام اية ومن عندي غير جربوه الرابط https://www.djelfa.info/vb/showthread.php?t=853801 اممممممم عصير الجزر او السنارية او الزرودية الكل واااحد يعني عصير مفيد ومغذي واقتصادي والله غير رووووعة المرة اللى فاتت راجلي حار في الشاربات وهذه المرة تاني قالي مستحيل هذا جي ستار قلت في قلبي الله يعطيك ما تتمناي يا الصوامعية انت وباقي العضوات خليتونا نزيد نكبارو في عيون ازواجنا والله البارح السهرة كانت عليا وعلى طيابي والحطة الجديدة قالهم عبودة ماما دايما تصور وتبعث للثاحباتها في التادا راي ما نيش غالطة في الكتابة راهو يقول السين ثاء والتادا معناها المنتدى هههههه الرابط https://www.djelfa.info/vb/showthread.php?t=772180 وهذا عصير الموز والتفاح لام محمد ميدو رووووعة وهبال عندي سلفي ما يشربش القهوة تاع الصباح طاح كامل عليه وقال هاذا جييييي الحمد لله صحلي هذا الكاس نصور وولدي الصغير فوق راسي هاتي ماما ذي نثرب. حتى هو مازال يتعلم في النطق هههه ولادي كامل كوميديا الرابط https://www.djelfa.info/vb/showthread.php?t=814832 وهاذا عصير الخوخ تاع حبيبتي الغالية ليدي ميليون والله غير روووعة مع كريم شانتي بصح كي طول في الثلاجة خثر واصبح كي الكريم بصح روووووعىة الغاشي راه يدوموندي فيه الرابط https://www.djelfa.info/vb/showthread.php?t=1335956 نرجعو للطياب للغالية لهوووومة راكي عاجبتني وطيابك تاني طباخكم راهو مدللكم حتى انا عاندتكم ماشي حسدتكم وطبقت البطاطا تاكم والله غير روووعة روووووووعة ننصحكم غير جربوها انا درتها في الفرن وهاي النتيجة وهاذي في الطبسي الرابط https://www.djelfa.info/vb/showthread.php?t=1419724 والمرقاااز المخادع. في هذا الخداع حلااااااال رووووعة رووووعة. لهووومة راكي عطيتيني خيارات عديدة في الطبخ الرابط ودرت بيه بيتزا تاع العشر دقايق لشميتة اظن هكذا روووووووووووووعة الرابط https://www.djelfa.info/vb/showthread.php?p=13388925 وتاني البرك التركي للاخت الرائعة فلة اممممممم شحااال خفيف وبنين ومقرمش يالا جربوه واش تستنوووو الرابط https://www.djelfa.info/vb/showthread.php?t=1375436 وهذا خبز الهامبورغر تاني للغالية فلة والله العظيم غير روووعة وخفيف والله وحدة ماتشبع افضل بكثير من تاع برا اللى يجي ثقيل ومعجن وما نعرف من واش او كيفاش مصنوع وعلى خبر ام انس والله ما عدت نشريه الرابط https://www.djelfa.info/vb/showthread.php?t=1153451 وهذه المايونيز تاع المقدسية امممممم انا كليتها غير بالخبز هذا فورماج ما شي مايونيز راني تشجعت باش نجرب الكاتشب على خاطر تاع السوق فيها بنة لاذعة تقرص اللسان مي معاك على بالي رايحة تكون هبااااال الرابط وهاذي بيتزا تاع الغالية ام كوثر والله الغاشي ما صدقو بللى انا اللى خدمتها صحيح ما لفة نعمل البيتزا بصح بهذه البنة لالا والغاشي راه يدوموندي فيها مرة تاني مرة تانية شوفو كيفاش رقيقة هشيشة غير جربوها والله ما تندمووو الرابط وللغاية الامنيات هاه ما نيش حاقراتك زوووج تطبيقات ليك وحدك الجزر بكريقة جديدة والبنة روووعة وانا زودت الحرارة مع فلفل الغابة هههه وراجلي هذاك واش يحب الرابط https://www.djelfa.info/vb/showthread.php?t=1051296 وتاني للغالية ام رامي الشفلور بطريقة جديدة روووعة الرابط https://www.djelfa.info/vb/showthread.php?t=927886 الحلويااااااااات اممممممممممم لام رامي زلابية البنان اممممم شحال خفيفة وبنية بصح ننصحكم ما تستعملوش البوش تاع البلاستيك لا تتحرقو كيفي على خاطر كي سخن طارت منو القمع وطاحت العجينة في الزيت وتنطر عليا مي سلامات المهم استعملو تاع الكتان او كيما اللى في وصفة ام رامي ولازم تكون الحرابيش رقيقة باش تطيب وتجيكم بنينة الرابط https://www.djelfa.info/vb/showthread.php?t=938685 والباتيسري الرائع صرااحة انا خفت نجربو بصح تشجعت ودرت فيك الثقة والله غير روووووعة بصح درتو بفلان فريز وعصير الانانس امممم علابيها داروها بيك يا ام ماجد حتى انا داروها بيا صورتو البارح في الليل ومن التعب قلت غير الصباح نقطعو مليح ونزينو بصح راه غير الطبسي يصفر حشمت نصورو ههههههه شوفو من الداخل انا خفت كي نزيد الكريم سخون تتعجن الجينواز بصح الرابط https://www.djelfa.info/vb/showthread.php?t=912179 وللغالية توتة كيك ساهل وبنين شكرااااااا الرابط https://www.djelfa.info/vb/showthread.php?t=1159400 وللغالية فلة فود قاطو القطيفة بنين وهشووووووش الرابط والحلقوم تاع الامنيات انا درتو بلون ابيض مي المرة الجاية نزيد مكسرات والله زوجي غير قالي ماينة راكي فوووووور بوراك وحلقوم تركي هههههه. جربوه يستاهل وساهل الرابط https://www.djelfa.info/vb/showthread.php?t=1261943 واخيرا راني تعبت بزاف بزاف قيموووني