[حنين فتـاة]

على بركة الله نبداو ورشة خياطة قندورة صيف معمرة بالعقاش كيما راهي في الصورة
انا منيش خياطة محترفة غير تعلمت شوية برك واذا كاين اخطاء ورولي الله يخليكم
كنت حاطة الموضوع في منتدى اخر وحبيت نجيبو تان هنا باش تستفادو


نحتاجو لهاد الادوات
قماش 2متر ونصف
لاتوال كولون
خيط ازرق وزهري
عقاش ازرق وعقاش زهري
احجار على شكل الدمعة
طنيبر او قرقاف



نأخذ القماش نطويه على العرض وعلى 4 مرات يعنني عندنا اربع صفحات هههههه معرفتش نعبر
نحدد بالطباشير مقاس العنق ونقصو كما في الصو




ناخذ مقاس الكتف ديري دايمن 12 سم ومن بعد مع الخياطة بداي تنقصي

حددي طول الاكمام من جهة الابط ومن بعد قصي راهي الصورة توضح

لما توصلي للطول المطلوب تاع الكمام من جهة الابط بدا تحسبي القيايس على حساب جسمك مع زيادة حساب الخياطة وقصي


من بعد يولو عندي جهتينجهة الرقبة راهي قصيناها نجيبو جهة العنق ونفصلو العنق كيما نحبو وهاهي النتيجة انا دايمن نختار هاد النوع

نجيبو الكتان لي بقا ونفصلو الاكمام

من بعد نجيبو كتان نحطوه تحت العنق ونخيطوه على حسابو ونقصو و ومن بعد نقلبوه باه يبقى العنق معدل كي شغل خيطتي زوج جهات وقلبتي للجهة البرانية

هاهي النتيجة

حكمو لاتوال كولون ونحطوها تحت القماش ونفوتو عليها بالمكواة مليح مليح باش تلصق في الكتان ونرسمو الرشام تاعنا ومن بعد نلصو الاحجار لي على شكل دمعة كيما راه موضح في الصورة وتاني نعمرو بالعقاش



هاهي ليكم النتيجة
والفراغ لي بين العقاش نعمروه بعقاش الطبسي



نتمنى تستفادو وتخيطو كيفاه