السلا عليكم ورحمة الله وبركاته حبيباتي نزولا عند رغبة حبيباتي عضوات كوزينة واش طيبتي اليوم ولتعم الفائدة بين كل الاخوات ارتايت ان اضع بين ايديكم الخبز الصحي بدلا عن الفرينة التي تسبب الكثير من الامراض عفانا الله وعفاكم وهو صحي ومفيد لمن يعانون السكري والضغط والكوليسترول والقلب نحتاج الى - 2 عبار فرينة عادية او فرينة القمح seigle او sons او pain compler. - عبر سميد متوسط - عبر نخالة او نزالة - مغرف كبيرة خمارة الخبز - مغرف كبيرة ملح وكل وحدة ودوقها في الملح - سانوج وحبة حلاوة - 3 معالق زيت زيتون او زيت عادي - ماء دافئ نلمو العجين بالماء ومن الافضل ندير الماء زيادة لانو النخالة تتشرب الماء ونعجن ونخليها ترتاح يعني بلا ما نزيد نعجنها مرة اخرى نروح نقضي شغالاتي ونخليها تاخد وقتها ونشكلها حسب الرغبة ونوجد قليل من الفرينة والنخالة باش نرمد فيها الخبز نتاعي ونخليها تخمر وندخلها للفرن اللي يكون مسخن من قبل ولاااااااااااازم سخون والصور توضح اكثر ملاحظة لازم عند نصف عملية التخمار او الطلوع نتاع الخبز تدخليه للفرن يعني ماشي كيما خبز الفرينة العادية حتى تطلع مليح هدا لالا في الفرن يزيد ينتفخ ولوكان تخلوه حتى يكتمل الاختمار راح يهبط في الفرن اتمنى ان يفيدكم موضوعي واسال الله ان ينفعني وينفعكم والدعاء خير جزاء