الحمد لله والصلاة والسلام على محمد بن عبد الله وبعد :
هذه قصيدة شعرية
بالعامية التبسية , وبالضبط من بواديها التي ينبعث منها أريج الماضي
الجميل وتستشف منها الذوق الراقي للفرد التبسي الحالم , لا أطيل عليكم
أترككم مع القصيدة , والتي من إلقاء الشاعر هو عمري محمد الهادي بن علي
عنوانها .
مازلــــت
]
مـازلتْ كيـما شامخ البُنيـــــان ** على الصّــح مبني مركزة سيســاني
ومازلت مهما تخلّطت لديـــــان ** صــافي العقيدة حنيف عربي لسانـي
ومازلت رغم الظلم والطغيــــان ** ورغـــــم الجــهــالة ثابت على ايمــاني
برغـم الجــهــالة واهلها والريـب ** مـــازلـــت ســـاير عـل ضيــا سـيـراجي
مازلت كي مشعال لمشاهيـب ** مشعشع شعاعي في الظلام الداجي
ومازلــت رغــم محاين التحزيب ** سنّــي العــــقيدة سلفي منهـــاجــي
ومـــــازلت رافض دعوة التقريب **خــــايــف يدنــّـس قـــربـها ديــباجـــي
ومـــازلـت رغم الغرب والتغريب ** معـــــروف عـــربي والعـــــروبة تـــآجـي
ومــــازال عهـــدي بالكرم قريب ** مـــوجّد طــعـام الضيّـف ديمــهْ ساجـي
ومــازال عرضـي والرقيب رقيب ** مصــيون حـــايط بالشـــرف سيــــاجـي
ومـــازلت راقب فــوق لمراقيـب ** حـــــــآرس مـــأمّـن مــلــجئي للاجـــي
ومازلت أُنس اوحاش كل غريب ** نفـــرجّ كـــروب الضـــايقة ونـــفــآجـــــي
ومـازلت فَـ اصْل الصــايبات طبيب ** نعـــالــج ويـنفع فـي السقيم عـلاجي
ويــوم اللـي يعكّر صفوها تضيهيب ** وتُطـــبق وتِحــرقْ يـــلْعــج اللـّعـاجي
ويــرزم رعدهــا خايب التســحيب ** تـــردم الظــاـلـم عاصـفآت عجـــاجي
ويــا بــو قــوافــي يا بحـــّر عجــيب ** خــلّيـك بــاقــي ذخــر لاحتيـــاجــــي
مــازال وادي بـيـك مـــاهْ ســكيـب ** ومـازال ديمه غزير بيك انتـــــــاجي
مـــازلت بين النــــاس بـيك اديـب ** ومــازلت شـامخ بيـك بين انتــــاجي
ومـازال صــدري بيك رحب رحيب ** ونـقصد قصيــدك كـي تضيق انهاجـي
ومازلت حاضر محضري وكي نغيب ** نخلـيك حجة مبــيّنــة احــتجــــآجي
ومـآزلت وارث من جدودي نصيـب ** وتـاريخهم كي الوشم فوق حجـاجي
مــازال غصــــن الأندلـس رطيـــب ** وطيـف عهدها مازلت فيه انـــــّاجي
مــازال يحــكي بيه نفـــــح الطيب ** ولـــــصغارنا مازلت بيه نــحــــاجـــي
مـآزال عــنــدي عـلـم بـــن حبيب ** واخبــار هلـهـا مشرقي و صنهـاجي
ومــــآزال فـي بغـــــداد للخطيــب ** تـــآريخ شاهد عصر كان زجــاجــــي
واليـــوم هـــاو صبـّـحْ فيها الذّيب ** راعـي الرعيّة وسـّلـمولـو نعـــاجــي
وذاقـــوا مــرار القــهــر والتعذيــب ** وشــافـو حقيقة مشابـهـة الاّ حــآجي
شـافوا غرايــب جت من بوغريب ** وراجيت يتــنــّو ّوش وانــي نراجـــــــي
يا شيـبـنا بلا شيب قبل الشيب ** مــن كــان مــادح صــار لينا هـــاجـــي
كــان سهمنا كي نــصوّبوه يصيب ** نــــردّوا جمـــوع الظـلــــم بالبـعــّــآجي
واليـوم سوّس ســآسنا التّخريب ** صبــحـنا رميّة قلــيــل فيـنا النــاجـــــي
عيـــب المذلــة يا عـــروبة عيــب ** تعبيــركم بالصمت زاد احـراجــــــــــــي
ويــا زارعيــــــن الرعـب والترهيب ** فاوطــانــنـا راجــو غضب امــواجــــــــي
مــازالت صاعب كي الزّمان صعيب ** ومــــازلــت يــمّ يكــيـد خوض لجاجـي
ومــازال شـاني عظيم كيمـا كــان ** لا تفــــــرحوا لا تغركــم لامانــــــــــــي
ولا تحســبـوه يــدوم لاستيطـــان ** لابــّد بــاش نعيــد مجــد اوطــــــــــاني
نحــــرّر تــــراب القــدس والجولان ** ونــــهدم الــصور العــازلـة على البــانـي