[علي النموشي]

القصيدة التي أعجبت البعيد قبل القريب و التي تشرح حال المجتمع الجزائري اليوم :

قصیدة من نظم علی بن نجوع
بصوت المعلق : نسیم حضری

** کلام بمیزان **

نبدا كلامي باسم الواحد ***** ربّ العزة خالق لكوان
و الصَّـــلاة علـى محمد ***** سيـدي الطــاهرالعدنان
زيد اصحـابو ناس الجِدّ ** و التـابعيـن أهل الإحسان
مقوانی ننعی جنان الخُلد ** بلادی یا زینة البلدان
و نزید نِشٰنِی بالمقصد ***** والی العدیه و الخِیّان
باعوک یا وطنی للابد ***** باطل و بارخس الاثمان
لصوص ما لیهم عدد ***** سوسیطه ما فیهم أمان
يا خاوتي لا يلومني حَدّ ***** القلب مهموم و تعبان
نتـأسف و نـزيد نأکد ***** علی کلامی هذا بالتبیان
على غاشي راهو يتمَرْمد ***** و حاسـب حالو رَبْحان
فی ستین نومه راقد ***** و اذا فطن دیما نعسان
جایبها وعدات وزرد ***** و فی حالو ماهو حیران
علــى بعضـــاه يستأسد ***** وهــو فــي غلبـة و هَوَان
في وقــت الشـــدة يلْبَد ***** و فـي الــرّخـَا يطلّع نيبان
ْمسَـجـّـي حَنكـُــو والخد ***** للصفعـــــة مثــل الجبان
مـانيش نْسبّ ، ما نرفد ***** عليــك الضـُّــر يـــا تعبان
حـالــي و حـــالك واحد ***** كيما الصـاحي و السكران
مُـكـْثـُـرْهم جُــهّـال جدد ***** عبید المال و النکران
الفــاخــر فيهــــم يقـَوّد ***** لسْيـَـــادو أهـــل الخسران
ما نِجمل و ما نقصد ***** رجال الهمة و الشجعان
هوما قِلّه فی العدد ***** و ثابتین دیما نیشان
کلامی واضح و محدد ***** بلا زیادة و لا نقصان
ْبليـّــة مـن عنـد الصمد ***** مرحبــــا بحكـــم الرحمان
الـدين ضـاع يـا الماجد ***** احفـــظ دينـــك يـــا انسان
الأخــلاق راحــــت بجد ***** تخبـّـــــــات وراء البيبـان
الظلم وصل لأقصى حد ***** مــا يطيقــو انس ولا جان
و الفقـــــر بلـــغْ الأشدّ ***** القلّيـــــل راهــــــو جيعان
الخبــــزة ولات تجـبــد ***** لسـافــــل قــــاع الويدان
بـــاش تلقـــاهــــا لا بد ***** تطیح نیفک و تهان
الحقــرة يــا ناس تهدد ***** كــل شــــريف هــذا تبيان
الجريمــة عمّـــت البلد ***** و الفســـق فــي كـل مكان
الطفلــة تضـرب موعد ***** أمـــام الأهــــل و الجيران
لا تستحـــي و لا تتــرد ***** و عــاملة ريش و جنحان
البطـالــة راهـي تتوعد ***** ضیعت شحال من شبان
خـْــَلات بيـــــوت للأبد ***** العَیٰطه لربی الحنان
و يــن الهـربة يا ولد ***** و يـن الوجهـة يـا فلان
الحـــرقـــة ولاّت منـفد ***** للهــــــــروب بـــلا رجعان
منهــم هـــذاك المسعـد ***** اللـي ْسلـمْ مــن الحيتان
و وصــــل زعمـه للمد ***** عنــد الإسبـــان و الطليان
و لاّ غــــريـــق متمـدد ***** علـى لحجــــار و الشطآن
مشــاكـل و الله ما تنعد ***** بــاش نحكيهـــا ليها مكان
خلّي البير مغطي منْسَدّ ***** النـَّـــحّ ســــاعـات حسان
خــايف عليـــك الموعد ***** نهــــار لـــي تعشّي ندمان
الحـُــرّ عمــرو ما ينْهدّ ***** قــالوهـــــا نــــــس زمان
هــاذ القصيد ليلـة الحد ***** كتبتـــــو و انـــــا سهران
لا جــاني نوم لا سَـهََـدْ ***** بــايـــت حــلي كالولهان
ماني شاعر باغي ْيمدّ ***** هــديـــة بـــاطـــل للسلطان
و ديمـــا رانــــي واجد ***** حتــــــى الـحـــــــــق يبـان
هكــذا ربّـــاني الــوالد ***** عمرک لا تــولّـــي طحّان
ديما في لســـاني قدّقدّ ***** والديـَّــــا لمــــــلاح حنان
ماهو طمع راني نقصد ***** رضــايتك أنت ليهـــا شان
يــا إلهــي علــيَّ اشهد ***** رانــــــي بلـّــغـــت بالبيان
راني ديمــا ليك نسجد ***** نصلـــي و نلعــن الشيطان
أرضى عليّ ليك الحمد ***** زيـــد معـــــايــــا الاخوان
و كل مــن هــوّ صامد ***** في وجه الباطل و الطغیان
أنت حسبـــي يــــا أحد ***** نتـْكَـــلّ عليــك يــا منـــأن