[زهرة ملوح]

اقرء تعليقي لفوق
في الحقيقة حتي انت مثل زوجتك انا مانعرفش اسباب طلاقكم بصح نعرف برك انه من احد الاسباب انها تسمع لامها بزاف وامها هي سبب طلاق يعني مرتك تمشيها امها وتسمح لها بتدخل في حياتها وانت تسمح لاصحابك يتدخله فيك واش الفرق بينكم؟ علي الاقل هي تسمع لامها ماشي لاي نكان اما انت لاسماء وهميين لا وجود لهم في واقعك انا خايفة انهم يكونه هما سبب في طلاقك شكيت هما لكانه يشعله النار بينكم حتي طلقتم شكون يعرف وانت تقول يحبوني
هههههه وضركا كي طلقت يقلولك ماتتزوجش واقعد هكذا ومزالك تقول يحبوني؟ ماهو الحب عندك ؟
شوف مرتك امها لهي امها كلخلتها وما بالك اصحاب من الانترنت امها طلقت لبنتها وهكذا مزالك طامع الخير في مجتمع حسوود كيف هذا؟
الامهات الاخرين يقوله لبنتهم اصبري وشوفي روحك بلاك غلطتي جامي يقبله بنتهم تطلق بدون سبب خصوصا بمجتمعنا مستقبل المطلقة غامض لاهالي الاخرين يتدخله بينكم ويصلحوكم ويقلولكم شوي منك شوية منها يديروا كيفاش يصلحه بينكم طالما ماتضربها ما والو فقط سوء تفاهم ، وهذه طلقت لبنتها بيديها وكانت تشعل النار بينكم وانت مزالك طامع الخير في الحقيقة بزوج بيكم غلطانين ليدخل الناس في حياته مستحيل ينجح نورمالمه لا هي تدخل اهلها ولا انت تدخل احد بحياتك نورمالمه ماتحكيش علي حياتك لكل من هب ودب وتخلي اي نكان ييتدخل فيك واش تعرف بنفوس الناس كاين لقلوبهم مريضة وكل همهم يفسدوا حياة الناس بعدما فسدت حياتهم
نورمالمه يكون عندك شخص واحد ولا زوج توثق فيهم جيدا تحكيلهم برك لهما لينصحوك حسب مصلحتك
نورمالمه تحكي لشخص لانت متأكد انه يحبك ويحبلك الخير ولا لشخص ليخاف رب وعنده حكمة مايكفي ماشي لاي نكان وتمد لاي نكان فرصة يتحكم فيك لالا هذا غلط غدوا كي تلقي روحك وحدك والدود ياكلك تظن راح تلقاهم؟ لوكان تلقولهم انتوما السبب انتوما لقلتولي ما نتزوجش تعرف واش راح يردوا عليك يضحكه عليك ويقولك علاه انا لقلتلك دير بسيف انت لكنت جايح راح يبروا زمتهم وقتها منك كليا انا نصحتك لوجه الله
اعرف انك الان مستحيل تفكر بزواج لان طلاقك كان جديد شي طبيعي ما تفكرش ضرك حتي يخف وجعك وحتي تنسي ومبعد تفكر هكذا كل الناس بصح انه يجيك شخص ويقولك ما تتزوجش وانت توعده ويحب يقنعك سمحلي هنا مش نورمال
منعرفش اسباب طلاق بلاك اسباب تافهة واذا كانت بسبب انها تحب تلبسك خاتم وانت رافض ملا حتي لتجيبها راح تكون هكذا هظا هو اقصي طموح الجزايرية انها تلبس راجلها خاتم وتظن بهذا شطارة وتزوخ بين صحباتها انها لبست راجلها كخاتم وهما يستعرفه بيها ويجيبه منها الوصفه وكامل يسقسوها كيفاش درته خاتم في صبعها يعني هذا الشي عندنا شطارة هذه هي ثقافة المجتمع اذا ماتحبش هكذا فلازج تخرج كاع من الجزائر وتجيبها برانية اما ثقافتنا بالجزاير هذه هي وحتي كي تلقاها هذيك طفلة نية يستتوها علاه ضرك فسدت الدعوة كل واحد يستت في الاخر وتلقي يماها وخوتاتها يستتوها وصحاباتها وضركا زاد الانترنت الحيف نتاعه ويستتوها حتي هنا ملا لازم تخرج من الجزائر ووتزوجها برانية اما في الجزائر مهما دارت حتجيبها هكذا وعلي الاقل مرتك ماشي ستوتة بزاف لانها بينت رغبتها اما الاخرين يفهمه ازواجهم انهم هما ليحكمه والحقيقة هما ليحكمه وتفهمه بلي هو ليحكم وهو يموت ويظل يفتكر بلي هو ليحكم هذي قريتها مرة وجامي ننساها وهذيك لكتبتها كانت زوخ بروحها انها هي لتحكم وراجلها يظن بلي هو ليحكم وكانه البنات يحبه يجيبه منها الوصفة وهذا يسموه عندنا ذكاء وعلي الاقل ثاني ما درتلكش سحور كاين ليديروا سحور باش تخلي راجلها خاتم بسيف عليه املا انت احمد ربي بصح مشكلتها ضعيفة شخصية ويستتوها الاخرين يعني لراهم يستتوها هما لاكثر منها املا مهما دارت حتتزوج لتحب تلببسلك خاتم ملا روح تجيبها يتيمة ماعندها لا ام لا اخوات
وهذوا البنات لهنا نتاع المنتدي لتشوفهم مثاليات نخاف انك تقارن مرتك معاهم تظن لوكان تزوجتهم هما مراحش يحبه يلبسوك خاتم هههههه بلاك هذوا اكثر من مرتك بلاك اسوء منها بكثيييير هنا بالمنتدي يوريو الاشياء لمش موجودة فيهم اما الحقيقة شي اخر مثلا تجيك واحدة تتكلم عن سعادة زوجية وهي بلاك عايشة بتعاسة