تطبيقي لصباح اليوم
اليوم نضت الصباح5و30دوشت وصليت الفجر وقريت فالمصحف مبعد رحت للمطبخ فتحت التاقة ووجدت القهوة(اليوم الحال راه مغيم) ومبعد كي ناض مولا بيتي تقهوينا ونوضت ولادي فطروومبعد درت دورة خفيفة على الديار رتبتهم ونضفت الحمام "اكرمكم الله" ومبعد رحت للمطبخ مسحت سطح الايليمون(كنت عادا ماقريتش برنامج اليوم) ورتبت القجورة و مسحت االارضيات و وجدت الفطور (درت شربة العدس وسلاطة بالروز والطون) ورحت للميكرو لقيت عندنا الصالون اليوم رحت ليه مباشرة بغيت نخرج المطارح بصح خفت تطيح عليهم النو(الامطار) مسحت الحيطان والباب والتاقة ومفاتيح الكهرباء ونشفت الصالون وعطرته وبلعت الباب ورحت حطيت الفطور فطرنا وغسلت الماعين وصليت الظهر ورقدت بنتي وجيت للميكرو قبل ما تروح الكونيكسيون هاهاها(حنا عندنا غير يغيم الحال تروح الكونيكسيون هاهاها)
