[أمل أميرة]

صباح الخير والبركة
ياخاوتي راهو قتلني التخمام ملي نفطن الصباح وانا نخمم فالفيزياء حتى انوض مالفراش ونبقا نهبل في ماما معايا
ساعات انوض نصلي الصبح ونبقا نخمم حتى لنفطن مالفراش وساعات انوض على 6.00 كيما اليوم والله مايجيني النوم نبقا غير نخمم شحال ندي فيها
ندمت لي مابدلتش الموضوع وخرجت في نصف الوقت قريب نهبل نهار الفيزياء بقيت غير نبكي تبلوكيت ماعرفت والو حتى التمرين الاول كنت معولة عليه ظهرت درتة بقوة الاحتكاك ياناس مين جبتها الله اعلم
خايفة بزاااااااااااااااااااااف ملي كملنا الباك وانا هكا كل يوم نبات نحلم بالفيزياء وانوض نبقى نخمم فيها لاني كنت فاهمتها والحاجات لي جابولنا كامل كن فاهمتهم لكن اليوم هذاك ماقدرتش نجاوب
صح كون ندي اقل مالمعامل يقصيوني
يااااا الله حتى هذا العام ماراحش نفرح والديا
مدولي كشوف نقاط تاع تلاميذ تحصلو على معدل علي ومارهمش خادمين فالفيزياء لكن مستحيل راهو معاملها 5
راح كلش ... في رمشة عين كل احلامي تبخرت
نستنا غير فالتصحيحات النموذجية تخرج باه نحسب معدلي ونتهنا مالتخماما