[سمية .ب]

السلام عليكم ورحمة الله

شوفو وش درت ليوم هذا قاطو كانت ديرو امي الغالية كي كنت صغيرة
كنت نموت عليه
صراحة ضاعت من امي الوصفة
مالا درت من عندي العجينة و جات مليحة




العجينة
250غ زبدة او مارغارين تكون طرية نخدمها مليح مع كاس سكر (ناقص منو شوية ) +فاني
حتى تصبح مثل الكريمة ثم نضيف حبة بيض و نخلط بعدها نضيف ملعقتين كبيرة نشاء او مايزينة +قرصةملح بعهدها نضيف كيس خميرة و الفرينة حتى تتحصلي على عجينة تكون طرية
بعدها ديري كويرات و تحشيها بحلوة الحلقوم مقطعة مربعات و ندخلها الفرن
و عندما يطيب نتركه يبرد ثم نغطس حبات القاطو في ماء الزهر ثم بودرة الشكولا( درتها بالكاكاو+سكرناعم مخلطين مع بعض لازم يكونو مغربلين )
كي نكمل كمية القاطو كلها نعاود نفوتها مرة ثانية في بودرة الشكولا
اترككن مع الصور