السلام عليكم
بسم الله الرحمن الرحيم
هيا نبداو على بركة الله ماتخلعوش من النص هاذي حكايتنا وواش يصرا في اليوم الواحد
شوفو حنا من الاخير رانا عاقلين الله يبارك و الله ماراني نتمسخر و لا نكذب سورتو قيسمنا حنا فالبلدية تاعنا عدنا زوج ثانويات قدام بعضاهم عدنا الليسي معروفين بلي شوي قباح وحنا ناس المتقن عاقلين والقانون يمشي علينا كي والو ونطبقوه و الغاشي كامل حاب يقرا تقريب كامل من نفس المستوى يعني قرايين (قولو الله يبارك يا خاوتي) وفالمتقن عدنا 3اقسام علوم تجريبية القسم القسم الثالث ماعليش عليهم و القسم الثاني ياويلي مالقري قرايين مي شوية قباح (لوكان يسمعوني ) اما حنا القسم الاول اعقل قسم ساكتيييييييييين لهذا ظروف الدراسة عدنا تسمح بلي يقراو و الله الذبانة تسمعها تدور فالقسم
الفرنسية نقراو بالكتاب عادي النصوص اللي فيه تشرحهم لنا مادام و حنا نسمعو و ساعات خرين ديرلنا تمارين في اوراق فوتو كوبي وو نحلوهم مع بعض و ساعات تجيبلنا الميكرو و نشوفو دي فيديو مثلا على الثورة وووو هي شوي صعيبة .
النجليزية تقريبا نحلو جميع تمارين الكتاب وخاااصة التعابير ديمة تمدهملنا واجب و حنا نحاولو فيهم فالدار من بعد نقراوهم فالقسم و فالاخير تكتبلنا التعبير النموذجي تقريبا 8 اللي يديروها و ساكتين فالحصة تاعها حتى هيا صعيبة
الادب تقرينا و حدة هاذا هو العام الاول تاعها فالتعليم يعني صغييرة واش تقولنا انا........وانا.........و انا عندي ماجستار ومنعرف وشيه و كي نقلقوها شوية تقولنا (مازلتو ماشفتوش الوجه الثاني تاعي ماتخلونيش نقلب العقلية معاكم وحاجت فمها شوي خاطيها ساعة ساعة تطلق شبه كلمة خاطية الطريق)هي ماراهيش فاهمة روحها القسم الثاني دارو فيها العجب ياو داروا انقلاب عليها خرجولها من الحصة بقاو يا ربي 4 راكم تعرفو المنتازين قعدولها الحق تاع ربي ديمة تمكر فيهم ما تشرحلهم ماوالو منين تدخل و هية تعيط و ترخس فالغاشي و شوية برك تروح دير تقرير لكاش واحد (هاذي الحاجة الوحيدةاللي فالحة فيها التقارير تشرح تقول ماتشرح ياي و نقولكم زادت هي بورتكلي ديرلها اوف تطير مع الهوا لا طاي شويتح مي نقولكم انا و الله مانتبع معاها و معلاباليش واش تقول مي فالامتحان الاول جبت 15 و الثاني جبت15.5 ونكذب عليكم اذاقلتلكم راجعتها حتى لصبحت الامتحان نضت على 5.30 قريت ملخص شامل ورحت . شوفو اي معلومات على الاستاذة هاذي ماعليكم غير تسقسيو زميلتي العضوة nor4ever هي تشتيها علكيف قولولها برك الاستاذة تاع الادب تاعكم ذرك تبدا فالتمنشير
فلسفة تقعد حصة كامل و هي تحكي شفتو الكتاب تعاود تقول واش مكتوب ماتسكتش بلا بلا بلا دوختنا بالهدرة وتموت تمد امثلة على الذكور اللي فالقسم تموووووت عليهم حتى هي صغيرة فالسن (مي متزوجة) راهي تقول نتوما احسن قسم مفضل عندي (مالقري في اول العام كي جا عدنا الناظر و المدير قالولنا واش رايكم فالاساتذة وو اش عجبكم وو اش ماعجبكمش (( احكي في من تحب عمبالكم حرية التعبير ) اول قسم اعتارض عليها حنا منشرنا حتى كرهنا فيها و قلنا ماتلخصلناش الدروس تقولنا لخصو وحدكم فالدار هي حاجت سمعت واش قلنا و اليوم اللي بعدو جات عدنا و لعبتها باص و ماسمعتش و تقولنا نتومت احسن قسم عندي و كي خاوتي و هاذوةك القوالب و اش نقولكم تزقااااااااال ولات تملي علينا ساعات الدروس حتى هي فمها شوي خاطيها
اجتماعيات عدنا استاذ الله يبارك نحبوه و هو حببنا فالمادة تاعو تفوت في رمشة عين يقعد يشرحلنا شغل راهو يحكيلنا حكاية كاااامل ساكتين دروسو نهضمهوهم فالقسم روعة نحتارموه عمبالكم يدخل لومبيونس فالحصة تفهم ذرااع عليك الذبانة تسمعها دور فالقسم
شريعة عدنا واحد الاستاذ واش راح نقولكم عليه الدروس يمدهم ملخصين في مطبوعات و الدرس يشرحو في ربع ساعة والوقت الباقي يحكي في امور الدين والدنيا يحب ينصحنا و يثقفنا و ثاني ساكتين حد ما ينطق حرف هو يقول حاب يبنينا فكريا كممسلمين
الرياضيات عدنا استاذ صغيييييييييييييييييير هاذا العام الاول تاعو فالتعليم معانا تخيلو شحال عمرو ......................23 سنة كي خونا نضحكو معاه نتمسخرو معاه علكيف هو حاجت استاذ فاهم و واصل و يحاول يوصل المعلومة بكل الوسائل و مسكين و اش يقلق و يغيضو الحال لوكان مانفهموش يتعب معانا بزاف تحشم حتى تقولو مافهتش نقولكم عندو مستقبل زاهر فالتعليم و يكون استاذ فالقمة جاي المفتش نهار الاحد عدنا باش يترسم هو وتاع الفلسفة
العلوم استاذتنا فالقمة فالقمة تقتل روحها باش نفهمو يعني نسكتو ذراع في حصتها راكم تعرفو العلوم تبع و مانعرف استاذتنا تبحث بزاف باش تجيبلنا المعلومات هي اللي دير كلش اذا كان عدنا سؤال هي اللي تبحث عليه و تجيبلك الاجابة التلاميذ كامل اللي قراو عندها قبل يديو فالباك 17 فما فوق باسكو متشددة فالتصحيح معانا و تحاول تعلمنا منهجية الاجابة فالباك
تبدا الدرس بالتمهيد و الاشكالية و الحنا نمدو الفرضيات و من بعد تمدلنا انشطة فيهم تجارب تاع و ثائق الكتاب مع اسئلتهم و تزيدلنا اسئلة اخرى ممكن تجينا فالباك مذكراتها الله يبارك من بعد تشرحلنا التجارب بالتفصيل الممل و نحاولو فيهم وحدنا من بعد نديرو التصحيح شفويا و حنا نكتو الاجابة وحدنا بلا ما تمليها عليها باسكو تكون شرحتها قبل و اللي كان يتبع معاها يلقى واش يكتب و اللي ماكانش يتبع طفرت فيه يعني تبع الشرح تاعها ذراع و تفهم ذراع و الطريقة هاذي خرجت علينا روعة نقاطنا الله يبارك14 و 15 مع التشدد فلتصحيح المهم تقتل روحها فالشرح و زيد تجيب الدتاشو و الميكرو و تشرحلنا منهم و نديرو سورتو الرسوم التخطيطية فالسبورة تركز عليهم بزاف تعلمنا كيفاش نرسمو معاها تمشي تحت قانون الدقة فالانشاء و كي نكملو الوحدة ديرلنا تمارين شاملة على الوحدة و تخسر عليهم ساعتين تحلهملنا انا ندير عندها ليكور عمبالكم واش دير تبدل فالنشاطات اللي درناهم فالقسم من نوع الاسئلة باش تلم بجميع الاسئلة و التجارب اللي ممكن تجي فالباك و واش تكثرلنا من التمارين يعني واش راح نقولكم ربي يجازيها كل خير و يرزقها الجنة تمشي معانا بنيتها
خليت القنبلة الكبيرة تاع الفيزيا هي الاخيرة باسكو الاستاذة تاعنا انا و ياها مانتفاهموش اذا كانش نهار سمعتو بيها ماتت راني انا اللي قتلتها يا ربي واش تتسابب عليا عمبالكم تحبنييييييي بزاااااف و انا تاني مانكذبش عليكم هي استاذة مليحة تشرح علكيف و دير مجهودها هي قديمة فالمهنة يعني خبرة لوكان برك جيت نحبها مي الله غالب على جالتها كرهت النهار اللي درت فيه شعبة علوم و حاجة اسمها فيزياء كرهت المادة تاعها كي نتفكر فيزيا ءنتفكرها نقفل الكراس خليتها فالامتحان هاذا جبت نقطة كااااااااااارثة ماكلاه نشوكيكم باسكو انا تشوكيت في عمري هي استاذة متذمرة متشائمة الربي اللي خلقها مالقري سلفية مي تعسني بزاف و انا مدايرة فيها رايي اثناء الحصة فمي ياخذ لي الراي بزاف نهدر التحت التحت و الله نتمتم و تسمعني و تجاوبني سبحان الله واش تقولي كي ترجعلنا النقاط و تلقاني مخدمتش و اش تقولي (لوكان نلقى المرة الجاية هاذ العلامة نبعثك من النافذة و لا نشف بيك الارض .....)هه البارح دارتلي عقوبة باسكو ديت علامة كارثية فالامتحان قاتلي عاودي حليه فالدار و جيبيه نشوفو اليوم درتو ديتو و شافاتو قاتلي احسنت بنيتي نهار كي نقراو عندها ساعتين يبانولي 2 قروووووووووووون ربي يفرج عليا اوف
الرياضة نلعبو ا كرة اليد و لا قفز و لاجلة و لا نشيخو المهم كامل حاضرين مانراطيوش سورتو انااااا
هذه قصتنتا بالتفصيل الممل عمبالي قلقتكم مي صاحب الموضوع هو اللي طلب
ربي يوفقكم راني غلبت من الكتابة بااي