[بسمة حنان]

السلام اختى و مبروك عليكم اما فيما يخص طلبك بسيط انشا الله
حنا نهار راح بابا و ماما للعمرة بدينا بشراء حوايج الدار شرينا تارموسات بشكل ذهبي رائع و شرينالهم سكرياتهم و والملاعق الصغيرة مع الكاس نتاعهم و سنوات الكل بنفس اللون و لناب الي يجو فوق السنيوة و شرينا طقم كامل للمشروبات و اطباق للفواكه و سكاكين صغيرة هدا فيما يخص الاواني اما التزين
وجدنا الصالون للرجال و بيت للنسا الصالون نعرفو حنا كامل محضرينو كيما يلزم للضياف لهدا مزدنا فيه والو
اما البيت نتاع النسا فرغناها كامل و فرشناها بزرابي بلون الباج و و حطينا مطلات و غلفناهم بغطاء قطيفة بلون الباج و من نفس الكتان خدمنا كاش ريدو و بنفس اللون شرينا ريدو و في الوسط حطينا زوج موائد
اما الحلويات صنعنا 4 مودالات و الله مشفيت عليهم بصح ننصحك اختى ديري قاطو السيار الي في المنتدى بصح بدل الزيت ديري الزبد ة راح يجيك بزاف و بنين زيدي معاه كاش مودال بالقلاصاج و واحد بالشيكولا و واحد معسل
كي جاونا الضياف نحطولهم اولا مشروبات مع الفواكه و من بعد نزيدو شويا و نحطولهم قهوة مع انواع القاطو الا المعسل و من بعد ن اذا طولو الضياف نزيدو نحطولهم لتاي مع القاطو المعسل
اما الرجال نحطو قع الحوايج مع بعض منبقاوش كل مرة نهزو و نحطولهم ياك تعرفو الرجال
نتمنى نكون فدتك و لو بقليل و اسمحيلي على الاطالة