[maiar]

المشاركة الأصلية كتبت بواسطة **اللؤلؤة المكنونة**

معك حق في كل ما تفضلتي به، بارك الله فيك وأجدد شكري لك اختي


ما عليش شاركينا كون حتى ما فهمتيش الأسماء
المهم الموضوع راه يتكلم على الاندثار من عدمه للأكلات التقليدية
بالنسبة للرفيس على ما اظن كل ولايات الجزائر تناديه بنفس الاسم فقط هناك اختلاف في الشكل والنوع
واعتقد حتى المبسس وسفنج باقي الولايات تناديه بنفس الاسم تقريبا
المحرف لا أعرفه ربما الاسم يختلف
أما المسمن هكذا نسميه في تلمسان باقي الولايات يطلق عليه الملوي او المعارك



هذا نقولوله البغرير

بارك الله فيك أختي....سلام

السلام عليكم اختي


اما عن الاكلات التقليدية مازلنا نديروها حتى لذرك

لكن حبيت نعرف واش هو المبسس و المحرف


اما عن الرفيس

هو الرفيس كيما قولتي لي نعرفوه كامل و نشربوه باللبن و نديروه في الاعراس و رمضان ( مرة نديرو المسفوف و مرة الرفيس)

في منطقة في ميلة عندهم الرفيس بالفول و هو عبارة عن الشخشوخة تع السيار مذهونة بالزبدة تع البقرات و شوية حليب تع البقرات و مفورة مع الفول و تتدار خاصة في الربيع و البنة والله ما عندي ما نقول فيها و هي من الاطباق التقليدية في هذه المنطقة بالذات

البغرير كيما تسميوه انتم هنا في ميلة نسميوه الغرايف و في قسنطينة القرصة و محسوب نديره بزاف في الشتاء لانو من الاكلات الدسمة لي نسحقوها في الشتاء


و المسمن نسميوه السمنيات و المحاجب لي يجيو محشيين بالحميص من داخل


و الفطير






و نديروه مسقي




و هذه كسرة تع الرغدة









و هذا السفنج