[مصريه جدا]

المشاركة الأصلية كتبت بواسطة روح القلم

هما عضوان صاحبة الموضوع و الاخ المهزوز ألا يشير هذا الى أن الموضوع لم يعد أحد يطلع عليه احد غيرهما ؟؟

أعتقد انه كان الأفضل حين نجد ان الموضوع لم يعد احد يدخل إليه أن نجعل الاخبار التي طرحناها فيه في مواضيع مستقلة حتى يطلع عليها الاعضاء و يشاركون فيها . مجرد إقتراح للأخت مصرية جدا و هي حرة في ما تفعله بموضوعها ..

اولا بشكرك على الاقتراح
ثانيا لما عملت موضوع سوريا مكنشى فى بالى خالص ان الموضوع يثبت او اى شئ من ده
يعنى مش تفرق معايه يثبت ولا لا
لانى لما عملته عملته من اجل صديقه عزيزه وبناء على رغبتها فى نشر اخبار سوريا فى كل العالم العربى
والحمدلله نفس الموضوع الى هنا معمول فى المنتدى المصرى الى انا فيه
والموضوع مثبت من اول يوم نزل فيه
وان شااء الله هيفضل مثبت الى ان يريد الله وينتصر الشعب السورى

وبعد نجاح الثوره السوريه باذن الله هبقى كدا وفيت بالوعد الى عليا لصاحبتى
والموضوع بما انه خاص بسوريا واخبارها لحظه بلحظه
فطبيعى جدا انه ينزل فيه كل خبر ولو بسيط متعلق بسوريا عشان يبقى موضوع متكامل
مش كل خبر انزله فى موضوع مستقل

بخصوص ان الموضوع مش بيدخله اعضاء غير صاحبة الموضوع ووليد

غريبه جدا عدد المشاهدات توحى بغير ذلك
والاهم كمان ان فى مواضيع كثير جدا بيكون فيها مشاهدات كبيره بس ردود قليله
شخصيا بدخل مواضيع ومش برد فيها بس بحب اتابعها وعدم ردى او رد الغير مش معناه ان الموضوع ضعيف او تافه
بالعكس البعض بيكتفى بالمتابعه فقط
ولما الموضوع يبقى مختص بثوره عربيه
يبقى الى اهم من المتابعه الدعاء لاهل سوريا
ودا كل الى انا محتجاه من الاعضاء
مش انهم بس يدخلوا ويسجلوا حضور برد ليهم
الدعاء هنا بيكفى حتى لو فى سرهم

وبشكرك على الاقتراح