مظاهر النمو عند الانسان (نفس الشيء بالنسبة للحيوان):
اولا: تحليل المنحنيين
نلاحظ من خلال المنحنيين البيانيين ان طول الطفل الصغير (قامته) ووزنه تزداد تدريجيا مع زيادة عمره(الزمن) الى ان تصل الى اقصى قيمة لها (في عمر محدد يحبس الطول تاع الانسان لكن الوزن مانقدروش نتحكمو فيه يعني يقدر يزيد يقدر ينقص على عكس الطول يزداد مثلا ليوصل ل 20 سنة يحبس الطول تاع الانسان(تصبح قيمته ثابتة مهما زاد عمره) وليزيد يوصل مثلا ل 60 سنة تعود العملية عكسية يعني يعود يقصاار )
النتيجة:
-زيادة طول (قامة) ووزن (كتلة) الفرد بزيادة العمر الى غاية بلوغ سن معينة
تصبح قامته ثابتة اما وزنه فيخضع لتاثيرات مختلفة (التغدية ...) (يعني ماتقدرش تقول الوزن يتوقف عن الزيادة في سن معينة)
-تعريف النمو: هو مجموع التغيرات الكمية التي تشمل زيادة وزن (كتلة)الكائن الحي وقامته (طوله)
ثانيا :تطاول العظام
تحليل الوثائق 3 و4
توضح المقارنة للوثيقة 3 ان عظام للطفل الصغير تفصل بينها فراغات تدعى النسيج الغضرفي التي تسمح بنمو العظام عكس البالغ (شوف في الوثيقة تاع الكتاب تصيب هذيك الوثيقة تاع يد طفل صغير لاحظ الصورة تصيب ان يد الطفل الصغير عليها طبقة بيضاء تدعى النسيج الغضرفي عكس يد الشخص البالغ هذيك المادة البيضاء تختفي لخطر تثبت على العظام بفعل فيتامين d على مااظن ايه صح فيتامين d يثبت املاح الكالسيوم الموجودة على العظام باش تصبح العظام اكثر صلابة وتماسك وقوة (على هذي عندما يكونو الاطفال الصغار صغار يقوللك حطهم على الاقل تحت الشمس 10 دقائق باش يساعد على تكون فيتامين d لي يثبت املاح الكالسيوم وكان بعض الاطفال ماعندهمش هذا الفيتامين او عندهم نقص في هذا الفيتامين وبالتالي را يصابو بمرض الكساح (اعوجاج الارجل والعظام) هذي قريناها في 4 متوسط )(يتكون الهيكل العظمي للرضيع عند الولادة من عظام ماعدا بعض المناطق التي تتكون من نسيج غضرفي خاصة نهاية عظام الاطراف وعظم الساق والفخد والعضد وعظام الرجلين واليدين ,, يتحول النسيج الغضرفي في نهاية سن المراهقة 18و20 سنة الى عظم كما يسمح غضروف الاتصال الموجود في نهاية العظام الطويلة بنمو العظام طوليا حيث تتحول طبقته الى نسيج ضام ينظم الى الجسم العظم الى نهايته بينما يتكاثر قسمه المتوسط مشكلا طبقات غضرفية جديدة تستمر على ذلك حتى يكتمل نمو العظم حينها يتحول الى نسيج عظمي يصل جسم العظم بنهايته -الوثيقة 3 و 4-) + (نمدلك تاني ملاحظة شفت مثلا الاطفال الصغار عندما يتكسر يدو بالخف يبرا يعني تقول ماتكسرش لخطر في الاصل العطام تاعو ماشي عظام عبارة عن غضاريف طرية عكس واحد كبير صح يتكسر يدو خلات عليه منا يجي يبرا غير قول 20 يوم وعلى الله ههه)
هذا الدرس الاول تاع العلوم