[دكتورة بإذن الله]

المشاركة الأصلية كتبت بواسطة abdel02

بغيت نعرف شعال يسوى في كل ولاية وعندي فكرة انو في الغرب ارخص منه في الشرق...

إذا في الوسط راهو وسط فقت تتفاوت الاسعار من ناحية الولايات الكبرى كالعاصمة و تيبازة و البليدة يكون غالي و بخصوص

المناطق الداخلية يكون معقول شويا .....بالصح البارور دايما يكون تاع لهيه و مطبوع يعني ماشي لوكال علابيها يكون غالي ...و الله اعلم


والله غير شرطولي بارير وشوية صرف من الفوق ختي إشراق...شايفيني زوالي...زوالي و فحل بالصح تموت و ماتحملش الذل :d
لاباس عليك ما زوالي لا والو صابوها لقاو واحد و ليد فاميليا كيا فتحي و يزيد يتشرطو ...بالصح من حقهم و ماشي حق عليهم يغلو ..ايا نطلعو الفاتورة ....يعني بارور 25 و خاتم الفيونساي 2.5 و خاتم الزواج 2.5 ربما يعني راك في الثلاثين و شوية صرف يادرا شحال يخرج ؟؟؟؟؟؟ طلع الفاتورة امليح .........دير حسابك من a----- z مانيش نخوف فيك بالصح دير حسابك ..و برايي انهم لوكان شرطو ذهب يعني مسايس تاع السبيعه يخرجو ب 15 او سنسلة ....و البارور راهو غالي لان اسعار الذهب غالية غلاء فاحش و شرط الذهب لي معقول احسن من لي يشرط جيب جيب و من باعد يرموه او يبقى بالحزانة على الاقل الذهب يبان و بقيمتو ...مجرد راي و اذا عندك و قادر على بارور و كيما قلت الطفلة تستاهل ربي يعاونك و يعطيك على حساب نيتك ان شاء الله


والله غير تستاهل وبنت فاميليا كيفك. ربي يحفظ خويا فتحي و اشكرك لنبل اخلاقك .وربي يجازيك اختي إشراق...مين يضيق صدري نقرا واش كتبتي نريح... و انت ثاني ربي يجازيك بكل خير و ردودك تريحنا كامل فيها نكه خاصة
كي تكون تستاهل و بنت فاميليا صدقني ما يروحش التعب غير هاك ....وربي يخلف عليك ...و الف مبروك و مليون مبروك و ياربي تتوافقو و يزرع بيناتكم المحبة و تكون طيعه للوالدة الكريمة باش تربحو في زوج دعاوي الخير ...و ربي يرزقكم الذرية الصالحة .........امين يارب



هو القلب يوجع يوجع...تساوم والا تشري...
يحسن عونك و ربي معاك


ههههههههه...والله غير انتي اللي تفيقيلي...شفت كيفاه اخيتك شاطرة حوحو يشكر روحو

اشكرك اولا على الرد والتوضيح والرابط اللي دخلتو و خذيت فكرة مقربة نوعا ما...بارك الله فيك وتحية عطرة مني الى كامل جماعة ال منتدى الغاليين...صح فطورك

و انا ثاني نشكرك على الرد الجميل و الظريف كصاحبه والف الف الف مبرووووووووووووووووووك و ربي يسهلك طريق الخطبة

و الزواج و ان شاء الله تكون زوجة صالحة و يرزقك منها الذرية الصالحة و ربي يهنيك ان شاء الله و تدخل قفص ذهبي لا يصدأ .....امين يارب

نسيت نقلك ...بالاك يعينك صاحبك تاع السجن دير حسابك ..............

و نبقى ننتظر اراء الاخوات في اسعار الذهب و كذا اسعار البارور تاع الزواج

و ربي يفتح عليك اخي فتحي... و يفتح علينا و على كل الاخوة و الاخوات في المنتدي صح صياامكم .......سلااااااااااااااام