[samira43]

المشاركة الأصلية كتبت بواسطة غريبة الاطوار

و كيفاش هذا الطبيب يجوز نص حياتو فاقراية و في الاخير يكون اجرو كيما اجر اي شخص بسيط
و كيفاش واحد ما عندو حتى مستوى ( مثلانواب المجلس الشعبي الوطني ) يكون اجرو اكثر من 35 مليون سنتيم و المعلم و الطبيب يكون اجورهم لا تزيد عن 4 ملايين سنتيم ايا خويا فهمني تعيش

لفت انتباهي هذا التعليق
و حبيت نفهم انا تاني منك و منهم

و سمحت لنفسي بتحليل التعليق

طبيب و شخص عادي؟
هذا تمييز عنصري مبتذل خرج في وقت الجهل و تبناه ضعاف الشهصية في عصر العلم

لانو ابدا مقياس الناس مع بعضم لا يكون هكذا
مع احترامنا طبعا للاطباءو خاصة الكبار

الا انو يوجد اغلب الاطباء خسارة فيهم كلمة طبيب او حتى شتمهم
و سقسي لي يعملو فالقطاع و الرضى تعرفي السبب

اما الخواص
فنسبة كبيرة تحولت منهم الى تجار ارواح و هي ارخس تجارة
فالشخص هو من يصنع المهنة و ليس المهنة من تصنع البشر

و بالنسبة لناس المجلس الاجرامي حاجة اخرى
و الغلطة تاع الشعب مش تاعهم
و تاع المثقفين لي راكي تدافعي عليهم
لانو لما يخرجو يتظاهرو و يحتجو و يغامرو بمستقبل تلاميذ و شعب و جيل بكامله و بصحة المرضى و ارواح الشعب

مايقولوش نقصو اجر مجرمي الجلس و حققو العدالة بالعقل و العلم و المنطق كي يتحسن البلد و نتحسن نحن
بل يقولو زيدونا فالمال لرصيدنا نحن فقط كي نكون الافضل في السكن و الملبس التبذير لنفسي نفسي
و ما اكثر لطماعين و العقد النفسية التي لا تشبعها الملايير و الامثلة كثيرة اهمها حكام لعرب

و فالاخير اجر الاربع ملايين لي اعجبكش لي ينالو الاستاذ راه كان يعرفو من قبل مايقرر يدرس استاذ يعني مش هدعة او مفاجأة

و بما انو يبحث عن الراتب لكبير و المال الكثر كان الاجدر ان يبقى دون مستوى كي يصل الى مجلس الاجرام و ينال الملايين

و الطرق كثيرة للكسب الكثير خاصة الحرام و الرزاق ربي

و هكذا يترك مكانو للناس لي حابة العلم و التعليم و تعرف كيف تطالب بحقوقها المعقولة و تنهض بالاجيال لا العكس

سلام