2011-05-16, 07:12
|
رقم المشاركة : 243
|
 معلومات
العضو |
|
|
|
إحصائية
العضو |
|
|
|
اقتباس:
المشاركة الأصلية كتبت بواسطة kadari99
صباحكم سعيد اخوتي الكراااااااااااااام اه يا خويا عمر انا نظن راك تسهر كتير هاد الايام ودمعتك على خدك والله غير راني حاس بيكم واحد واحد ولكن زينة ومالك وليلى ومصطفى جددو لينا لجراح نتاع زمان . غفلنا شوية على الماضي ولكن فرصة مليحة باااه الانسان يتذكر هو واحبابه راني نبحث هاد الايام على الصور اللي كنا ناخدوها في الابتدائي الله يرحم اللي ماتو وربي يحفظ ويبارك في الحيين وخاصة شيوختنا ياجماعة اللي عندهش صورة ممكن يطلعها بااه نشوفوها او نتاع المدرسة او اي شيء من الزمن الجميل بااااه نشوفوها وسمحو لي على الدارجة اللي راني نعبر بيها الله كلامي رااه من قلبي المحروق وشكرااااااااااااا
|
صباح الخير خويا kadari...صح راني عدت نسهر...وصدقني صرت لا أحب مغادرة المنتدى surtout هذه النافذة اللي فكرتنا في زمان زين و حلو بزااااف..
والله تفكرت اصحابي انتاع بكري...تفكرت البالو اللي كنا نلعبوه...والله غير الشمس والقايلة و احنا نلعبو بجانب المدرسة و مناش حاسين لا بالسخانة و لا بالشمس...رغم الفقر و الجوع و الحفا...تفكرت " التلومة "( البالو اللي نخدموه من التقاشر-يعني الجوارب- )...تفكر ت التمر اللي كنا نحملوه في المحافظ انتاوعنا...عندما نجوعو نتقاسموه مع بعضانا و ناكلوه...تفكرت السراول المقطعين اللي كنت نلبس فيهم...تفكرت الحذاء اللي كان اصبعي الكبير خارج منو و انا رايح بيه للمدرسة و انا فرحان ...ماشي هامنيو لا محيرني ...المهم رايح نقرا...اتفكرت البرد...وانا رايح نقرا في الصباح داير كي العصفور المبلول من شدة البرد و قلة الأمكانات...تفكرت..وتفكرت..وتفكرت...
والله غير راني نكتب و الدموع يطايحو...الله غالب ماقدرتش انكونطرولي في روحي
|
|
|
|