اقتباس:
المشاركة الأصلية كتبت بواسطة *دمعة حنين*
السلام عليكم......
ها اختي باه نبداك ...اقصد باه نبدالك وشتا نقلك وشتا نحكيلك ......الحمد لله الي كاين عمي gوgل تراديكسيو مزية باه فهمت الموضوع هذا شتا راه يقوووول وعلامن راه يهدر نظرا لعبقريتي شنت مداgة في ليكول بين اساتذة التقني رياضي والعلوم من كثرة ما نعرف نقرا رياضيات .....ايا نهار كي يسقسينس الشيخ نتاع لونgلي يقولي هاالعالية شتا فهمتي
نقولوا ا الشيخ يرحم والديك الهدرة الي كنت تقول فيها رجعهالي معادلة بالاك نجاوبك بصح الله غالب مانيش عارفة حتى المادة الي رانا نقراو فيها وفي هاته الاحيان يسعى المحقق كونان ......اقصد ج.ن لاتخاذ الاجراءات لنقلي الى احدى الشعبتين
تقني رياضي او علوم تجريبية ..............وليكن في علمك انا شعبة لغاااات
ولذلك اختاه الله يرحم الوالدين عاونيني في الفرونسي ولونgلي غير باه ندي 5 ولا 6 واجرك على الله ..............انتظرك
|
ايه يالعميرة
مافيها والو
هادي هي الدنيا
لوكان جينا قاع نقروو المات شكون فينا اللي راح يترجم للناس واش رانا نقولو
يعني فهمت من كلامك خاصك الأساسيات
اوكي
راح نهدر على الانجيليزي والحديث قياس على الفرونسي
أول عفسة نهدرو عليها
النص حتى ولو مافهمتيهش اقراي اقراي وعاوديه
أولا
السؤال الأول يكون من بين الأسئلة التالية
إما يقوللك عنوان للنص
أو الفكرة الأساسية
أو يقوللك النص عبارة عن واش
أو أسئلة من هاد القبيل
بيت القصيدهو
اقراي النص مليييييييييح
وخرجي منو الكلمات أو العبارات المتكررة هي في الغالب الدالة على معنى النص
متلا إدا لقيتي عبارة متعاودة بزاااف ديريها عنوان لنص لو الفكرة ديالو مرات ماتكونش هي نيشان واش راح تخسري إدا ديتي نصف العلامة
وشوفي المصدر مليج واخزري فيه فيه المعلومات اللي نسحاقوها
والاسئلة تاع الفهم كيما الصح والخطا
دييري مقارنة مع الجملة اللي طهالك ومع اللي تشبها في النص
ايه والمرادفات
إدا كان عندك فعل تلقايه في النص فعل
إدا كان ماض ولا مضارع
تلقايه ماض ولا مضارع
إدا كان اسم يكون اسم
وراح يعطونا الفقرة
يتسمى
روحي لهاديك الفقرة وخرجي منها متلا قاع الافعال ومبعد تبداي تنحي تنحي حتى تلقاي الكلمة المرادفة ولا العكس ديالها
هاد بالنسبة للبناء الفكري