[فتيـحة]

السلام عليكم اختي،
أغلب الفتيات يتم إطلاق هذه الشائعات عليهم، سواء من زوجات اعمامهم أو زوجات خالهم أو حتى عماتهم وخالاتهم أن الفتاة كانت تتمنى أن تتزوج إبنها المصون "وكانت راح تموت مين خطبوله وحدخرى خير منها"،
يلزم تعرفي بلي الحالة لي راكي فيها تزيد تأكد لهم كلامه، فبالنسبة ليهم أنتي فقدتي 10 كغ من وزنك وراكي مكتئبة بسبب أنو خطب فتاة اخرى وما خطبكش،
تصرفاتك هاذي ماراهاش لمصلحتك، على العكس راح تخليهم يزيدو يألفو قصص من عندهم
الحل أنو تعيشي حياتك وكأن هذي الهدرة كامل ما وصلاتكش، املأي وقت فراغك إذا كنت ماكثة بالبيت، تعلمي حرفة أو ادخلي لمدرسة قرأنية، وإذا كنت طالبة أو عاملة حاولي تطوري نفسك فالمجال لي راكي فيه، كوني دائما مبتسمة، وكي يسالوك عن حالك قولي الحمد لله راني في نعمة كبيرة من الله، وعمرك لا تشتكيلهم أو تبينيلهم حزنك.
اكسبي صحتك وحياتك
هوما اصلا كي يشوفوك عايشة حياتك ومامتاثراش بهاذ الإشاعة راح ينساوها ويدورو لشخص وحداخر من غيرك يطلقو عليه إشاعات باش يتلاهاو.
ربي يفرج عليك، ويرزقك الزوج الصالح الذي يقر عينك