سلام
بون حبيت نعلق على حاجة مالغري عمبالي مراحش تدوها سيريو و تتجاهلو كي العادة . معليه نعتبرها صدقة جارية لكاش واحد يستفاد ان شاء الله
اينيواي . تع تقولو الشابيتر هذا ميطيحش و نريسكي نروح بلا بيه متخدملكمش فلمات
متقدروش تقارنو 2020 مع 2021
2020 كان الوزير قال مراحش نديرو وش مقراوش مع الاساتذة يعني حدد العتبة انديراكتومون
بصح 2021 راهم مكملين لبروقرام
و الاعداد المركبة ماشي الشابيتر اللخر باه تقولو بالاك مطيحش راه مزال كاين الخير موراها
و هذي مات معامل 5 . قادر طيح في سوجي في زوج و قادرة مطيحش
ضكا الا طاحت في واحد ولا في زوج كيفاه تديرو ؟ تضيعو لمات على جالها ؟؟؟ لالا اقراوها يالوكان طلة حفيفة . نص نقطة كي تضربيها في 5 راهي توزن و نص نقطر خير من 0 . شوفو برك ف 2020 على جال 0.01 شحال من واحد مدخلش سبيسياليتي لي كان حاب
حبيت ننصحكم برك